ન્યુઝ બનાવો “ગણેશોત્સવને લઈને ગુજરાત પોલીસ સજ્જ: સંવેદનશીલ વિસ્તારોમાં ચુસ્ત બંદોબસ્ત, ડ્રોન-સીસીટીવીથી નજર રાજ્ય પોલીસ વડા જ્ઞાનેન્દ્રસિંહ મલિકની અધ્યક્ષતામાં વીડિયો કોન્ફરન્સ યોજાઈ;સુરતમાં 70 હજારથી વધુ ગણપતિ મંડળોની સ્થાપના-વિસર્જનને લઈને વિશેષ તકેદારી, કોટ વિસ્તારમાં નાઈટ કોમ્બિંગના નિર્દેશ ગાંધીનગર : ગુજરાતમાં ગણેશોત્સવનું પર્વ શાંતિપૂર્ણ, સલામત અને સૌહાર્દપૂર્ણ વાતાવરણમાં સંપન્ન થાય તે માટે રાજ્ય પોલીસ તંત્ર સજ્જ બન્યું છે. રાજ્ય પોલીસ વડા જ્ઞાનેન્દ્રસિંહ મલિકની અધ્યક્ષતામાં ગુજરાતના તમામ પોલીસ કમિશનર, રેન્જ વડા તથા જિલ્લા પોલીસ વડા સાથે ઉચ્ચસ્તરીય વીડિયો કોન્ફરન્સ યોજાઈ હતી. બેઠકમાં ગણેશ સ્થાપનાથી લઈને વિસર્જન સુધી કાયદો-વ્યવસ્થા જળવાઈ રહે તે માટેની તૈયારીઓ અને સુરક્ષા વ્યવસ્થાની વિસ્તૃત સમીક્ષા કરવામાં આવી હતી. સંવેદનશીલ વિસ્તારોમાં વિશેષ પોલીસ બંદોબસ્ત રાજ્યમાં ગણેશોત્સવ દરમિયાન કોઈ અનિચ્છનીય બનાવ ન બને તે માટે તમામ શહેર તથા જિલ્લા પોલીસ તંત્રને જરૂરી સૂચનાઓ આપવામાં આવી છે. ગણેશ સ્થાપના અને વિસર્જનના સમયે સંવેદનશીલ વિસ્તારોમાં વિશેષ પોલીસ ફોર્સ તૈનાત કરવા, ભીડ નિયંત્રણ, ટ્રાફિક ડાયવર્ઝન તથા રાઉન્ડ-ધ-ક્લોક પેટ્રોલિંગની વ્યવસ્થા સુનિશ્ચિત કરવા આદેશ કરાયા છે. મુખ્ય વિસ્તારો અને ગણેશ વિસર્જનના સરઘસ માર્ગો પર સીસીટીવી કેમેરા તથા ડ્રોન દ્વારા સતત મોનિટરિંગ હાથ ધરવા સૂચના આપવામાં આવી છે. સ્થાનિક શાંતિ સમિતિઓ અને ગણેશ મંડળોના આયોજકો સાથે બેઠકો યોજી પરસ્પર સહયોગ સાધવા પણ પોલીસ અધિકારીઓને જણાવાયું છે. અફવા ફેલાવનારા સામે કડક કાર્યવાહી સોશિયલ મીડિયા પર અફવા ફેલાવી શાંતિ ભંગ કરવાનો પ્રયાસ કરનારા તત્વો તથા અસામાજિક પ્રવૃત્તિઓમાં સંડોવાયેલા લોકો સામે કડક કાનૂની કાર્યવાહી કરવા રાજ્ય પોલીસ વડા દ્વારા સ્પષ્ટ નિર્દેશ આપવામાં આવ્યા છે. બોમ્બ ડિટેક્શન એન્ડ ડિસ્પોઝલ સ્ક્વોડ, ટીયર ગેસ તથા રાયોટ કંટ્રોલ સાધનો સાથે પોલીસ ટુકડીઓને સ્ટેન્ડબાય રાખવા પણ સૂચના આપવામાં આવી છે. વિસર્જન રૂટ પર કોઈ અવરોધ ન સર્જાય તે માટે ફાયર બ્રિગેડ, આરોગ્ય વિભાગ તથા અન્ય ઇમરજન્સી સેવાઓ સાથે સંકલન સાધવા અને જાહેર જનતાની સુરક્ષાને સર્વોચ્ચ પ્રાથમિકતા આપવા જણાવાયું છે. સુરતમાં 70 હજારથી વધુ ગણપતિ મંડળોને લઈને વિશેષ તકેદારી સુરત શહેરમાં સૌથી વધુ ગણેશ પ્રતિમાઓની સ્થાપના અને વિસર્જન થતું હોવાથી શહેરની સુરક્ષા વ્યવસ્થાને લઈને રાજ્ય પોલીસ વડા જ્ઞાનેન્દ્રસિંહ મલિકે સુરતના ઇન્ચાર્જ પોલીસ કમિશનર વાબંગ જામીરને જરૂરી માર્ગદર્શન આપ્યું હતું. ગણેશોત્સવ દરમિયાન કાયદો-વ્યવસ્થા જળવાઈ રહે તે માટે શહેર પોલીસને વિશેષ તકેદારી રાખવા સૂચનાઓ આપવામાં આવી છે. સુરતમાં અલગ અલગ વિસ્તારોમાં 70 હજારથી વધુ ગણપતિ મંડળોમાં ગણેશ પ્રતિમાની સ્થાપના અને વિસર્જન થતું હોવાના સંદર્ભે પોલીસ તંત્ર દ્વારા સુરક્ષા આયોજન શરૂ કરવામાં આવ્યું છે. સ્થાપના અને વિસર્જન દરમિયાન કોઈ અનિચ્છનીય બનાવ ન બને તે માટે પોલીસ દ્વારા જરૂરી પગલાં લેવામાં આવી રહ્યા છે. ગણપતિ મંડપોમાં ચોરી અટકાવવા કોટ વિસ્તારમાં નાઈટ કોમ્બિંગ ગત વર્ષે ગણપતિ મંડપોમાં થયેલી ચોરીના બનાવોને ધ્યાનમાં રાખીને શહેરના કોટ વિસ્તારમાં વિશેષ પેટ્રોલિંગ અને નાઈટ કોમ્બિંગ હાથ ધરવા રાજ્ય પોલીસ વડા મલિકે નિર્દેશ આપ્યા હોવાનું જાણવા મળે છે. રાત્રિના સમયે ગણપતિ મંડપો તથા આસપાસના વિસ્તારોમાં પોલીસની હાજરી વધારી ચોરી સહિતની અસામાજિક પ્રવૃત્તિઓ પર નિયંત્રણ લાવવા ભાર મૂકાયો છે. સુરત શહેરમાં ગણેશ પ્રતિમાના વિસર્જન દરમિયાન મોટી સંખ્યામાં લોકો એકત્રિત થતા હોવાથી વિસર્જન રૂટ, ભીડ નિયંત્રણ તથા ટ્રાફિક વ્યવસ્થાને લઈને પણ ઇન્ચાર્જ પોલીસ કમિશનર વાબંગ જામીરને જરૂરી માર્ગદર્શન આપવામાં આવ્યું હતું. શહેરમાં શાંતિપૂર્ણ રીતે ગણેશ પ્રતિમાઓનું આગમન અને વિસર્જન થાય તે માટે પોલીસ દ્વારા અલગ અલગ વિસ્તારોમાં નાઈટ ડ્રોન ઉડાડીને પણ નજર રાખવામાં આવી રહી છે. ઉચ્ચ અધિકારીઓ સાથે સંકલન સુરત શહેરમાં ગણેશોત્સવના બંદોબસ્ત અને કાયદો-વ્યવસ્થાની તૈયારીઓને લઈને સંયુક્ત પોલીસ કમિશનર બલરામ મીના, મહેન્દ્ર બગરિયા, ક્રાઈમ બ્રાન્ચના ડીસીપી ડો. કરણરાજ વાઘેલા, ટ્રાફિક પોલીસના અધિકારીઓ તથા વિવિધ ઝોનના ડીસીપી સહિતના અધિકારીઓને જરૂરી સૂચનાઓ આપવામાં આવી છે. શહેરના તમામ વિસ્તારોમાં સુરક્ષા વ્યવસ્થા મજબૂત બનાવી ગણેશોત્સવ શાંતિપૂર્ણ રીતે સંપન્ન થાય તે માટે પોલીસ તંત્ર દ્વારા તૈયારીઓ હાથ ધરાઈ છે. પોલીસ તંત્ર દ્વારા નાગરિકોને તહેવાર દરમિયાન શાંતિ અને કાયદો-વ્યવસ્થા જાળવવામાં સહકાર આપવા અપીલ કરવામાં આવી છે. ગણેશોત્સવ દરમિયાન અફવા કે ભડકાઉ સંદેશાઓ ફેલાવવાથી દૂર રહેવા અને કોઈ શંકાસ્પદ પ્રવૃત્તિ જણાય તો તાત્કાલિક પોલીસને જાણ કરવા પણ અનુરોધ કરાયો છે.”