આજથી મુંબઈ, પૂણે અને નાગપુર સહિત મહારાષ્ટ્રના તમામ શહેરો અને જિલ્લાઓમાં લોકડાઉન શરૂ થશે. આજે રાત્રે ૮ વાગ્યાથી લઈને સોમવારે સવારે ૭ વાગ્યા સુધી સમગ્ર મહારાષ્ટ્ર વીકએન્ડ લોકડાઉન અને નાઈટ કર્ફયુમાં ઝકડાઈ જશે. આ પહેલુ વીકએન્ડ છે જે સંપૂર્ણ રીતે લોકડાઉનમાં રહેશે. જરૂરી સેવાઓ સિવાય કોઈપણ આ દરમિયાન અવરજવર કરી નહિ શકે. મુંબઈ તંત્રએ અલગથી ગાઈડલાઈન જારી કરી છે.
છત્તીસગઢના પાટનગર રાયપુરમાં કેન્ટેનમેન્ટ ઝોન જાહેર કરી દેવામાં આવ્યો છે અને તેની સરહદો આજે સાંજે ૬ વાગ્યાથી ૧૯ એપ્રિલ સવારે ૬ સુધી સીલ રહેશે.
મધ્યપ્રદેશમાં મોટા શહેરોમાં આજથી વીકએન્ડ લોકડાઉન શરૂ થશે. આજે સાંજે ૬થી સોમવારે સવારે ૬ સુધી તમામ શહેરોમાં લોકડાઉન રહેશે. છત્તીસગઢના દુર્ગમાં પણ ૯ દિવસનું લોકડાઉન છે.
જે સ્થળે નાઈટ કર્ફયુ છે તેમા દિલ્હી, નોઈડા, ચંદીગઢ, અમદાવાદ, સુરત, રાજકોટ, વડોદરા, ઓડીસાના સુંદરગઢ સહિતના શહેરો, રાજસ્થાનના જયપુર, યુપીના લખનઉ, વારાણસી, કાનપુર અને પ્રયાગરાજનો સમાવેશ થાય છે.
કર્ણાટકના બેંગ્લોર સહિત અન્ય જિલ્લામાં ૧૦ એપ્રિલથી નાઈટ કર્ફયુનું એલાન થયુ છે. મૈસુર, મેંગ્લુરુ સહિતના જિલ્લામાં શનિવારથી નાઈટ કર્ફયુ શરૂ થશે.
