જોની લીવર હવે કોમેડી ડ્રામ વેબ શો પોપકોનમાં જોવા મળશે. જોની કહે છે ફરહાદ સામજીનો આ શો છે એ જાણતાં જ મેં કામ કરવાની હા પાડી દીધી હતી. આજે આ શો ડિઝની હોટસ્ટાર પર સ્ટ્રીમ થયો છે. આ કોમેડી શોમાં જોની સાથે કુણાલ ખેમુ, રાજપાલ યાદવ, ચંકી પાન્ડે, સૌરભ શુક્લા અને સ્વર્ગીય સતીશ કૌશિક તેમજ નૂપુર સેનન અને જેમી લીવર પણ છે.
જોની લિવરે કહ્યું હતું કે ડિજીટલ પરદે મારા માટે આ બેસ્ટ શરૂઆત છે. હું લાંબા સમયથી રાહમાં હતો ત્યાં ફરહાદનો શો મારી સામે આવતાં જ હું ખુશ થઇ ગયો હતો. મેં કોઇ વિચાર કર્યા વગર હા કહી હતી. તે એક સારો રાઇટર છે. તેણે મને ઘણી વાર ડિરેક્ટ પણ કર્યો છે. અમે શોમાં કામ કરતી વખતે ઘણી મસ્તી પણ કરી હતી અને તમે જ્યારે આ શો જોશો ત્યારે તમને એ ખબર પડશે. સ્ક્રિપ્ટ સસ્પેન્સ અને કોમેડીથી ભરપૂર છે. આ પાત્ર મારા માટે એકદમ અલગ છે.
