પુતિને રશિયાનું બંધારણ બદલ્યું.પુતિન ૮૩વર્ષ ની ઉંમર શુધી રશિયાની રાજગાદી પર બિરાજમાન રહેશે. રશિયાના રાષ્ટ્રપતિ વ્લાદિમીર પુતિન છેલ્લા ૨૦ વર્ષથી રશિયામાં સત્તા પર છે. પુતિન સિવાય એવા જોસેફ સ્ટાલિન છે, જેમણે લાંબા સમય સુધી રશિયાની સત્તા સંભાળી હતી. તાજેતરમાં રશિયામાં બંધારણીય સુધારા માટે લોકમત યોજવામાં આવ્યો હતો. એક અઠવાડિયા સુધી ચાલેલા મતદાનમાં, લોકોએ પુતિનને ૨૦૩૬ સુધી રાષ્ટ્રપતિ બનવાની મંજૂરી આપી. પુતિન ૨૦૨૪ સુધી રશિયાનું રાષ્ટ્રપતિ પદ સંભાળવાના હતા. પરંતુ હવે આ સુધારા બાદ, તેઓ ૮૩ વર્ષની વય સુુધી રાજગાદી સંભાળશે
આ પહેલા ચીનના રાષ્ટ્રપતિ શી જિનપિંગે પણ ૨૦૧૮માં બંધારણમાં સુધારો કર્યો હતો અને પોતાને આજીવન રાષ્ટ્રપતિ બનાવવાનો માર્ગ ચોખ્ખો કર્યો હતો. બીજી બાજુ, રશિયામાં ઘણા લોકોએ બંધારણીય સુધારા અંગે સવાલ ઉઠાવ્યા છે.
લોકોનું માનવું છે કે, બંધારણ સુધારણા માત્ર એક દેખાવ હતો, તે એટલા માટે કરવામાં આવેલ કે પુતિન લોકોના પ્રશ્નોને ટાળી શકે. સુધારણા પહેલા જ તેની નકલો સોશિયલ મીડિયા પર વાયરલ થઈ રહી હતી.
