કિયારા અડવાણી હવે વરૂણ ધવન સાથેની ફિલ્મમાં જોવા મળવાની છે. જૂગ જૂગ જીયો નામની તેની આ ફિલ્મ આવતા વર્ષે ચોવીસમી જુનના રોજ રિલીઝથવાની છે.
કિયાર-વરૂણની સાથે ફિલ્મમાં અનિલ કપૂર, નીતુ કપૂર, મનિષ પોલ અને પ્રજાકતા કોલી પણ મહત્વના રોલમાં છે. રાજ મહેતા નિર્દેશીત આ ફિલ્મનો પહેલો લૂક કરણ જોહરે જાહેર કર્યો હતો. જેમાં કિયારા અને વરૂણ દુલ્હા-દૂલ્હનના લૂકમાં જોવા મળ્યા હતાં. કરણે ફોટો ઇન્સ્ટાગ્રામ પર મુકીને લખ્યું હતું કે અમારી ફિલ્મ આવતા વર્ષે રિલીઝ થવાની છે. અમારી સાથે ફેમિલીને સેલિબ્રેટ કરો.
બીજી તરફ આ ફિલ્મને લગતી એક નાનકડી કલીપ ઇન્સ્ટાગ્રામ પર મુકીને કિયારાએ કેપ્શન આપી હતી કે અમે એક બીજાને પ્રેમ કરીએ છીએ, સાથે સેલિબ્રેટ કરીએ છીએ. આ પરિવાર હંમેશાં સાથે રહે છે. અમારી સાથે ‘જુગ જુગ જિયો’ને સેલિબ્રેટ કરો. કિયારા આ ફિલ્મ માટે ખુબ જ ઉત્સાહિત છે અને તે રિલીઝ થાય તેની આતુરતાથી રાહમાં છે. વરૂણની અન્ય ફિલ્મોમાં ભેડીયા પણ સામેલ છે.
