અમદાવાદ શહેરના નરોડા વિસ્તારમાં પોલીસે નકલી પોલીસની ધરપકડ કરી છે. પોલીસ બનીને સસ્પેન્ડેડ SRP જવાને એક મહિલા પાસેથી 11 હજાર પડાવ્યા હતા. નરોડા પોલીસે આરોપીની ધરપકડ કરીને તપાસ શરૂ કરી. પોલીસ કસ્ટડીમાં કાળા બુરખામાં રહેલો આ શખ્સ સલીમમિયા હુસેનમિયા રાઠોડ છે. આરોપીએ પોલીસ બનીને રોફ જમાવીને એક મહિલા પાસેથી રૂ 11 હજાર પડાવ્યા હતા.
કૃષ્ણનગર માં રહેતા કનકબેન ઝાલા ખરીદી કરવા નરોડા નેશનલ હેડલુમથી પસાર થઈ રહ્યા હતા. ત્યારે આરોપી સલીમમિયા પોલીસ બનીને ગાડી લઈને આવ્યો અને મહિલાને ગાડીમાં બેસીને કૃષ્ણ નગર પોલીસ સ્ટેશન આવવાનું કહ્યુંને ધમકી આપીને રોફ જમાવ્યો હતો.
આ મહિલા ગાડીમાં બેસી એટલે આરોપીએ નરોડા પાટિયાથી કૃષ્ણનગર તરફ લઈને મહિલાને લાફો ઝીકીને તેના પર્સમાંથી રૂ 11 હજારની લૂંટ કરી હતી. પોલીસે બાતમીના આધારે નકલી પોલીસને ઝડપી લીધો હતો.
