હવામાન વિભાગની આગાહી પ્રમાણે મે મહિનામાં ગરમી રેકોર્ડ પર પહોંચી શકે છે. ગુજરાતમાં કાળઝાળ ગરમીએ માઝા મુકી છે.ગરમીનું તાપમાન પ્રતિ દિવસ વધી રહ્યું છે.તાપમાન ૪૦ ડિગ્રીને પાર પહોંચ્યું છે. હવામાન વિભાગની આગાહી પ્રમાણે મે મહિનામાં ગરમી રેકોર્ડ પર પહોંચી શકે છે.
હવામાન વિભાગે મોટી આગાહી કરતા જણાવ્યું હતું કે અમદાવાદ શહેરમાં મે મહિનાના ૩૧ દિવસ માંથી ૨૬ દિવસ તાપમાન ૪૧ ડિગ્રીથી વધારે રહેવાની શક્યતાઓ છે. જ્યારે હવામાન વિભાગે આગામી પાંચ દિવસ માટે ગુજરાતના કચ્છ અને સૌરાષ્ટ્રમાં યલો એલર્ટ જાહેર કર્યું છે.
અમદાવાદમાં મંગળવારે ૩૦ એપ્રિલ ૨૦૨૪ના રોજ લઘુત્તમ ગરમી ૨૬ ડિગ્રી નોંધાઈ હતી જ્યારે મહત્તમ તપામાન ૪૦.૬ ડિગ્રી રહ્યું હતું. આગામી ૪ દિવસ પોરબંદર, ભાવનગર અને કચ્છમા હિટવેવની સ્થિતિ રહેશે. જોકે કાળઝાળ ગરમી વચ્ચે આગામી ત્રણ દિવસ તાપમાન યથાવત રહેશે અને ત્રણ દિવસ બાદ હજુ પણ ૨થી ૩ ડિગ્રી તાપમાનનો વધારો થઇ શકે છે. ઉલ્લેખનીય છે કે હવામાન વિભાગે આગામી પાંચ દિવસ માટે ગુજરાતના કચ્છ અને સૌરાષ્ટ્રમાં હીટવેવની આગાહી કરી છે જેમાં ભાવનગર અને પોરબંદરમાં હીટવેવની સંભાવના જોવા મળી રહી છે.
