April 25, 2024
રમતગમત

RR vs CSK: રાજસ્થાને રચ્યો ઈતિહાસ, 15 વર્ષ પછી ચેપોકમાં CSKને હરાવ્યું; બનાવ્યો એક મોટો રેકોર્ડ

ચેન્નાઈ સુપર કિંગ્સ  અને રાજસ્થાન રોયલ્સ બુધવારે,12 એપ્રિલ રાત્રે IPLમાં સામસામે રમતા હતા. આ મેચ CSKના હોમ ગ્રાઉન્ડ એટલે કે એમએ ચિદમ્બરમ સ્ટેડિયમ, ચેન્નાઈના ચેપોક ખાતે રમાઈ હતી. આ મેદાનને CSKનો કિલ્લો માનવામાં આવે છે, જ્યાં મુલાકાતી ટીમો માટે આ ટીમને હરાવવાનું હંમેશા મુશ્કેલ રહ્યું છે. જો કે, રાજસ્થાન રોયલ્સે ગઈકાલે રાત્રે રમાયેલી મેચમાં ચેન્નાઈના આ કિલ્લાને તોડી પાડ્યો હતો.

રાજસ્થાન રોયલ્સે ગઈકાલે રાત્રે રમાયેલી રોમાંચક મેચમાં CSKને 3 રને હરાવ્યું હતું. રાજસ્થાન માટે આ જીત ઘણી ખાસ હતી. કારણ કે ચેપોકમાં CSK સામે રાજસ્થાનની આ બીજી જીત હતી. તેને 15 વર્ષ પહેલા IPL 2008માં પહેલી જીત મળી હતી. ત્યારબાદ 24 મેના રોજ રમાયેલી મેચમાં રાજસ્થાને ચેન્નાઈને 10 રનથી હરાવ્યું હતું. આ પછી છેલ્લા 15 વર્ષમાં રાજસ્થાન ચેપોકમાં ચેન્નાઈને એક પણ વાર હરાવી શક્યું નથી.

ગઈકાલે રાત્રીના મેચ પહેલા ચેપોકમાં ચેન્નાઈ અને રાજસ્થાનની ટીમો 7 વખત ટકરાયા હતા. જેમાં રાજસ્થાન દ્વારા પ્રથમ મેચ જીત્યા બાદ છેલ્લી 6 મેચમાં માત્ર ચેન્નાઈની ટીમ જ જીતી રહી હતી. હવે 15 વર્ષ બાદ રાજસ્થાને ચેન્નાઈને આ મેદાન પર હરાવ્યું છે.

 

રાજસ્થાને ચેપોકમાં પણ આ મોટો રેકોર્ડ બનાવ્યો હતો

રાજસ્થાને CSKને તેના હોમ ગ્રાઉન્ડ પર હરાવીને વધુ એક મોટો રેકોર્ડ નોંધાવ્યો હતો. તે છેલ્લા 10 વર્ષમાં ચેપોક ખાતે CSKને હરાવનારી બીજી ટીમ પણ બની છે. આ છેલ્લા 10 વર્ષોમાં માત્ર મુંબઈ ઈન્ડિયન્સ ચેપોકમાં CSKને હરાવવામાં સફળ રહી છે. મુંબઈ સિવાય અન્ય ટીમો છેલ્લી 10 સીઝનમાં અહીં CSK સામે એક પણ મેચ જીતી શકી નથી.

આ મેચમાં રાજસ્થાન રોયલ્સે પ્રથમ બેટિંગ કરતા 8 વિકેટ ગુમાવીને 175 રન બનાવ્યા હતા. જવાબમાં, એક સમયે CSKને જીતવા માટે 18 બોલમાં 54 રનની જરૂર હતી અને તેની 6 વિકેટ પડી ગઈ હતી. અહીંથી ધોની અને જાડેજાએ ઝડપી ઇનિંગ્સ રમી હતી. શરત એવી હતી કે ચેન્નાઈને છેલ્લા બોલે જીતવા માટે 5 રનની જરૂર હતી, પરંતુ અહીં ધોની સિક્સર ફટકારી શક્યો નહોતો અને ચેન્નાઈ 3 રને મેચ હારી ગઈ હતી.

Related posts

આઈપીએલની ઓપનિંગ સેરેમનીમાં બોલિવૂડની ઘણી હસ્‍તીઓ પરફોર્મ કરવા જઈ રહી છે.

Ahmedabad Samay

IPL 2023: KKR સામે ઘરઆંગણે મળેલી હારથી RCB કેપ્ટન વિરાટ કોહલી નિરાશ, મેચ બાદ કહ્યું ક્યાં થઈ ભૂલ

Ahmedabad Samay

ક્રિકેટના મહાકૂંભ ગણાવતા વનડે વર્લ્‍ડ કપનું શિડ્‍યુઅલ જાહેર,અમદાવાદમાં રમાશે ભારત પાકિસ્તાન મેચ,

Ahmedabad Samay

ઋષભ પંતના ફેન્સ માટે મોટા સમાચાર, શરુ કરી બેટીંગની પ્રેક્ટિસ

Ahmedabad Samay

ગુજરાત ટાઇટન્સે નવી જર્સી લોન્ચ કરી

Ahmedabad Samay

અંજિક્ય રહાણેએ આઇપીએલ 2023માં રચ્યો ઇતિહાસ, ઝડપી અડધી સદીનો રેકોર્ડ તોડ્યો

Ahmedabad Samay