કોટડા સાંગાણી: કોટડા સાંગાણી ગામ પંચાયત વિસ્તારમાં અટકી પડેલા વિકાસના કામોને તાત્કાલિક અસરથી પુન: શરૂ કરવાની માંગ સાથે વિરોધ કાર્યક્રમ યોજાયો હતો. ગ્રામજનો અને સ્થાનિકો દ્વારા ગામ પંચાયતના વિકાસમાં આવી રહેલા અવરોધો દૂર કરવા માટે ઉગ્ર રજૂઆત કરવામાં આવી છે.
મુખ્ય માંગણીઓ:
- કોટડા સાંગાણી ગામ પંચાયતના અટકાવાયેલા વિકાસના કામો તાત્કાલિક પુન: શરૂ કરવામાં આવે.
- વિકાસના કામો અંગે થયેલી ફરિયાદો અને આક્ષેપોની નિષ્પક્ષ તેમજ પારદર્શક તપાસ કરવામાં આવે.
- તપાસ પૂર્ણ ન થાય ત્યાં સુધી ખોટા આધારે વિકાસના કામો બંધ રાખવામાં ન આવે.
- સંબંધિત અધિકારીઓ દ્વારા કામગીરી અંગે લેખિત નિર્ણય અને યોગ્ય કારણો આપવામાં આવે.
સ્થાનિકોએ “વિકાસ રોકવો નહીં – નિષ્પક્ષ તપાસ કરો અને વિકાસના કામો શરૂ કરો” ના નારા સાથે તંત્ર પાસે જવાબદારી નક્કી કરી વિકાસકાર્યોને ઝડપથી આગળ વધારવાની માંગ કરી છે.
