અમિતાભ બચ્ચન સ્ટારર ફિલ્મ ‘ઝુંડ’નું ટીઝર રિલીઝ થઈ ગયું છે. આમાં બિગ બી તેમની ‘ઝુંડ’ સાથે મજબૂત દેખાઈ રહ્યા છે. ‘ઝુંડ’ ૪ માર્ચે સિનેમાઘરોમાં રિલીઝ થવા જઈ રહી છે.
ફિલ્મના ટીઝરમાં અમિતાભ બાળકોના ટોળા સાથે જોવા મળે છે. જેમાં અમિતાભ સિવાય કેટલાક યુવાનો પણ જોવા મળે છે જેઓ અલગ-અલગ વસ્તુઓ દ્વારા સંગીત ક્રિએટ કરી રહ્યાં છે.
આ ફિલ્મ નાગરાજ પોપટરાવ મંજુલેની બીજી હિન્દી નિર્દેશિત ફિલ્મ છે. તેઓ મરાઠી બ્લોકબસ્ટર ફિલ્મ ‘સૈરાટ’ અને ‘ફેન્ડ્રી’ માટે જાણીતા છે.
ઝુંડને લઈને ઘણી વખત OTT રિલીઝની વાત સામે આવી છે. ઝુંડની વાર્તા ‘સ્લમ સોકર ફાઉન્ડેશન’ના સ્થાપક અને કોચ વિજય બારસેની વાર્તા પર આધારિત છે. તેઓ અખિલેશ પોલના કોચ પણ હતા, જેઓ સ્લમ સોકર ખેલાડી બન્યા હતા. આ ફિલ્મમાં અમિતાભ બચ્ચન બિજય બરસેના રોલમાં જોવા મળશે. આ ફિલ્મનું નિર્માણ T-Series, Tandav Films Entertainment અને Atpatના બેનર હેઠળ કરવામાં આવ્યું છે.
