અમદાવાદ: ગણેશોત્સવના પાવન અવસર વચ્ચે અમદાવાદ શહેર ભાજપના પ્રમુખ પ્રેરક શાહ સહિત ભાજપના આગેવાનો અને કાર્યકરોએ કર્ણાવતી ચા મહારાજાના દર્શન કરી ગણપતિ બાપાના આશીર્વાદ લીધા હતા.
આ પ્રસંગે કાઉન્સિલર રાકેશભાઈ પરિખ, જીતેન્દ્રભાઈ ખરચરીયા, દીપલબેન પટેલ, વર્ષાબેન સોલંકી અને નારણપુરા વોર્ડના કાઉન્સિલર અમિતભાઈ પરમાર સહિત વોર્ડ પ્રમુખ, મહામંત્રી અને ભાજપની ટીમના અન્ય સભ્યો ઉપસ્થિત રહ્યા હતા.
ભાજપના આગેવાનો અને કાર્યકરોએ ગણપતિ બાપાની પૂજા-અર્ચના કરી સૌના સુખ, સમૃદ્ધિ અને કલ્યાણ માટે પ્રાર્થના કરી હતી. ગણેશોત્સવના માહોલમાં ભાજપની ટીમની આ ધાર્મિક મુલાકાત દરમિયાન ભક્તિભાવ જોવા મળ્યો હતો.
આ પ્રસંગે ઉપસ્થિત સૌએ ‘ગણપતિ બાપા મોરિયા’ના જયઘોષ સાથે બાપાના આશીર્વાદ લીધા હતા.
