સાબરમતી નદીએ અત્યાર સુધીમાં આત્મહત્યાના ઘણા બધા કિસ્સા બની ગયા છે પરંતુ ૨૭ ફેબ્રુઆરી ના રોજ એક યુવતીએ આત્મહત્યા કરી હતી તે ચર્ચાનો વિષય બની ગયો છે, આત્મહત્યા કર્યા પહેલા એક વીડિયો બનાવી પોતાના પતિને મોકલ્યો હતો જેમાં યુવતીની માસૂમિયત અને વાતો સાંભળીને જોઈને સૌ કોઇ ની આંખ ભીની થઇ જાય.
વટવા વિસ્તારમાં રહેતી આઈશા ઉર્ફે સોનુના લગ્ન વર્ષ ૨૦૧૮ માં રાજસ્થાનના આરીફ ખાન સાથે થયા હતા. લગ્ન બાદ થોડા દિવસ બધુ સારુ ચાલ્યું હતું. પરંતુ બાદમાં તેના પતિ અને સાસરિયા તેને દહેજ બાબતે ત્રાસ આપવા લાગ્યા હતા. જેના પરિણામે એ જ વર્ષે પતિ આરીફે તેની સાથે ઝઘડો કર્યો હતો અને તેને અમદાવાદમાં પિયરમાં મૂકી ગયો હતો. બાદમાં બંને વચ્ચે તકરાર વધતી ગઈ હતી. તેમના વચ્ચેના ઝઘડાનો અંત આવતો ન હતો.
બે વર્ષ સુધી આઈશા અને તેના પતિ વચ્ચે ઝઘડા ચાલ્યા હતા. આખરે આઈશાના પરિવારે વટવા પોલીસ સ્ટેશનમાં તેના સાસરિયા સામે ફરિયાદ નોંધાવી હતી. આ બાદ આઈશા નોકરી કરીને પોતાનુ ગુજરાન ચલાવતી હતી. ત્યાર બાદ ગુરુવારે ફરીથી આઈશા અને તેના પતિ વચ્ચે ઝઘડો ચાલ્યો હતો. આખરે આરીફે તેને કહ્યું હતું કે, ‘તારે મરવુ હોય તો મરી જા.’ આ વાત સાંભળીને આઈશાને લાગી આવ્યુ હતું. તેણે સાબરમતી નદીમાં કૂદીને મોત વ્હાલુ કર્યું હતું. પરંતુ મોત પહેલા આઈશાએ પતિ માટે વીડિયો બનાવ્યો હતો. જે વીડિયો પોલીસના હાથે લાગ્યો છે જેને પગલે પોલીસે વધુ તપાસ હાથધરી છે.
