બોડેલી તાલુકાના નાના અમાદરા પાસેના ગાંધીનગર પ્રાથમિક શાળામાં કોરોના રસીકરણનો રાખવામાં આવેલ કેમ્પ દરમિયાન ચાલુ વેક્સીનેસને એક ઓરડાની છત તૂટી પડતા ૭ લાભાર્થીઓ સહીત કોરોના વોરિયર્સ દબાઈ ગયા હતા.ગ્રામજનો તાત્કાલિક ઘટના સ્થળે દોડી આવતા તાત્કાલિક તમામને બહાર કાઢવામાં આવ્યા હતા. છત ફાઈબરની હોવાથી કોઈને જાનહાની થઇ નથી.
આ ઓરડામાં ધોરણ ૫ થી ૭ ના વિદ્યાર્થીઓ અભ્યાસ કરે છે કોરોના મહામારીમાં છેલ્લા એક વર્ષથી શાળાઓમાં વિદ્યાર્થીઓને શૈક્ષણિક કામગીરી બંધ હોવાથી આ જ ઓરડામાં કોઈ વિદ્યાર્થીઓ આવતા ન હોવાથી મોટી દુર્ઘટના સર્જાતા અટકી છે.
ઓરડા ની છત તુટી પડતા નજીક ની આંગણવાડી મા બધી સામગ્રી લઇ જઇ રસીકરણ ની કામગીરી ફરી શરુ કરી દેવામા આવી છે.
