રાજ્ય લેવલના મહિલા સેલના વડા અજયકુમાર ચૌધરીએ જણાવેલ કે ગરબા શીખવા માટે જતી યુવતીઓ, બાળાઓ બેધડક રીતે દેશભરમાં આદર્શરુપ સુરક્ષા મોડલ મુજબ આરામથી કોઈ લુખ્ખા કે અસમાજિક તત્વોના ભય વિના જાય તેવું વાતાવરણ સર્જવામાં આવશે. રાજ્યભરના ગરબા સંચાલકોનો કોન્ટેક્ટ કરી ગરબા સાથે મહિલા પોલીસની સી ટીમ દ્વારા આવી સેલ્ફ ટ્રેનિંગ આપવામાં આવશે.
ગરબા તાલીમ સંચાલક પોલીસ કમિશનરથી માંડી પોલીસ ઇન્સ્પેક્ટર અને પોલીસ મથકના જવાબદારોના મોબાઇલ નંબર તાલીમી યુવતીઓને મળી રહે તેવી સુરક્ષા વ્યવસ્થા માટે રાજ્યભરના જવાબદાર અધિકારીઓને સીઆઇડી ક્રાઈમ વડાના સૂચનથી અમારા દ્વારા પત્ર પાઠવવામાં આવ્યો,
સીઆઈડી ક્રાઇમના એડિશનલ ડીજીપી અજય ચૌધરીએ જણાવ્યું કે ગરબા શીખવા જતી યુવતીઓ, પોલીસ સ્ટાફના મહિલા પોલીસના કોન્ટેક્ટ આધારે તેમના મોબાઇલ નંબર સાથે રાખવાથી અને એક જાતના સંબંધો બાંધવાથી વિશ્વાસ સાથે હિમંત કેળવાશે.
અત્રે એ યાદ રહે કે અંબાજી પગપાળા જતા મહિલા યાત્રીઓને પણ પોલીસની મહિલા ટીમો મળી,કોઈ મુશ્કેલી હોય તો પોતાને તુરંત ફોન કરવા જણાવેલ. વિવિધ શહેરોમાં ગણપતિ ઉત્સવ વખતે પણ મહિલા સી ટીમ એક્ટિવ રહેલ. રાજ્યભરમાં આવી ૭૦૦ થી વધુ સી ટીમ એક્ટિવ મોડમાં આવી કાર્ય કરે છે. ગુજરાતમાં બહેનો મોડી રાતે પણ હિંમતપૂર્વક એકલી નીકળી શકે તેવું વાતાવરણ સર્જવા વડાપ્રધાન અને કેન્દ્રીયમંત્રી સાથે ગુજરાતના મુખ્ય મંત્રી, ગ્રહમંત્રીની સતત અભિલાષા ક્રાઈમના વડા, અને એડિશનલ ડીજીપી મહિલા સેલના આવકારદાયક નિર્ણયથી પૂર્ણ થતા કેન્દ્ર અને રાજ્ય સરકાર દ્વારા પણ આ નિર્ણય વધાવાયો છે.
