અમદાવાદ શહેરમાં હવાની ગુણવત્તા ચિંતાજનક સ્તરે પહોંચી છે. મેટ્રોસિટીનો સરેરાશ AQI 236 પર પહોંચ્યો છે. અમદાવાદમાં એક વિસ્તારમાં નહીં પરંતુ મોટાભાગના વિસ્તારોમાં AQI ઊંચો નોંધાયો છે. થલતેજના જયઅંબે નગરમાં AQI 260 નોંધાયો છે. ત્યારે સરદાર પટેલ સ્ટેડિયમ વિસ્તારમાં AQI 247 નોંધાયો છે.
આ ઉપરાંત અમદાવાદના અન્ય વિસ્તારોની વાત કરીએ તો સોનીની ચાલી વિસ્તારમાં AQI 236 અને રખિયાલમાં AQI 228 નોંધાયો છે. બીજી તરફ ઈસરો, બોડકદેવ સહિતના શહેરના અનેક વિસ્તારોમાં AQI 230ને પાર ગયો છે.
ઠંડી વચ્ચે અમદાવાદ શહેરમાં હવાની ગુણવત્તા કથળી રહી છે. સવારે 8 વાગ્યાની આસપાસ શહેરનો સરેરાશ AQI 236 નોંધાયો હતો. તો સાડા આઠની આસપાસ શહેરના અનેક વિસ્તારોમાં AQI 230ની ઉપર પહોંચી ગયેલો જોવા મળ્યો. ઈસરો, બોડકદેવ, સી.પી. નગર, ઉષ્માનપુરા સહિતના વિસ્તારોમાં AQIનું સ્તર ચિંતાજનક રીતે 230ની ઉપર જોવા મળ્યું હતું
