બિરસા મુંડા ટ્રાઈબલ યુનિવર્સિટીની બોર્ડ ઓફ ગવર્નર્સની મહત્વપૂર્ણ બેઠક યોજાઈ હતી. બેઠકમાં નાંદોદ વિધાનસભાના ધારાસભ્ય ડૉ. દર્શના ચંદુભાઈ દેશમુખ ઉપસ્થિત રહ્યા હતા.
બેઠક દરમિયાન યુનિવર્સિટીના શૈક્ષણિક વિકાસ, વહીવટી કામગીરી તેમજ વિદ્યાર્થીઓના હિત સાથે સંકળાયેલા વિવિધ મહત્વપૂર્ણ મુદ્દાઓ પર વિસ્તૃત ચર્ચા-વિચારણા કરવામાં આવી હતી.
યુનિવર્સિટીમાં શિક્ષણની ગુણવત્તામાં વધુ સુધારો થાય, શૈક્ષણિક માળખું મજબૂત બને તેમજ વિદ્યાર્થીઓને વધુ સારી શૈક્ષણિક સુવિધાઓ અને તકો મળી રહે તે અંગે વિવિધ સૂચનો અને મુદ્દાઓ પર ચર્ચા કરવામાં આવી હતી. સાથે જ યુનિવર્સિટીની વહીવટી કામગીરીને વધુ સુદૃઢ અને અસરકારક બનાવવા અંગે પણ વિચારવિમર્શ થયો હતો.
આ બેઠકમાં વિદ્યાર્થીઓના સર્વાંગી વિકાસ અને હિતને કેન્દ્રસ્થાને રાખીને યુનિવર્સિટીના આગામી આયોજન અંગે પણ ચર્ચા કરવામાં આવી હતી.
