નવરાત્રી પહેલાં હિન્દુ સેનાની માંગ: ગરબામાં પ્રવેશ પહેલાં ID ચેક ફરજિયાત કરો
હિન્દુ સેના ગુજરાત પ્રમુખ પ્રતિક ભટ્ટે સરકાર અને ગરબા આયોજકોને કરી અપીલ; ગરબા સ્થળોએ કંકુ તિલક, પ્રસાદી અને અન્ય ધાર્મિક પરંપરાઓનું પાલન કરાવવાની પણ માંગ
અમદાવાદ: નવરાત્રી નજીક આવી રહી છે ત્યારે ગુજરાતમાં ગરબા આયોજનને લઈને વિવિધ ચર્ચાઓ શરૂ થઈ છે. આ દરમિયાન હિન્દુ સેનાએ રાજ્ય સરકાર સમક્ષ ગરબા આયોજનોમાં સુરક્ષા અને ઓળખ ચકાસણીને લઈને કેટલીક માંગણીઓ રજૂ કરી છે. હિન્દુ સેના ગુજરાત પ્રમુખ પ્રતિક ભટ્ટે મુખ્યમંત્રીને નવરાત્રી પહેલાં પરિપત્ર બહાર પાડીને ગરબા સ્થળોએ પ્રવેશ મેળવનારા લોકોની આઈડેન્ટિટી ચેક ફરજિયાત કરવાની માંગ કરી છે.
હિન્દુ સેનાનો દાવો છે કે નવરાત્રી દરમિયાન યુવતીઓને પ્રેમના નામે ફસાવવાના પ્રયાસો થઈ શકે છે અને આવી ઘટનાઓને રોકવા માટે ગરબા આયોજકો દ્વારા પ્રવેશ વ્યવસ્થા વધુ કડક બનાવવાની જરૂર છે. સંગઠને આ પ્રકારના પોતાના દાવાને ‘લવ જેહાદ’ સાથે જોડ્યો છે. જોકે, આવા આક્ષેપોને લઈને કોઈ ચોક્કસ ઘટના કે સરકારી આંકડા આ રજૂઆતમાં આપવામાં આવ્યા નથી.
ગરબા આયોજકોને પણ કરી અપીલ
હિન્દુ સેના ગુજરાતે ગરબા આયોજકોને પણ કેટલીક વ્યવસ્થા અમલમાં મૂકવા અપીલ કરી છે. સંગઠનના જણાવ્યા મુજબ ગરબા સ્થળે આવતા લોકોની ઓળખ ચકાસણી ઉપરાંત કંકુનું તિલક, માતાજીની પ્રસાદી અને ગૌમૂત્રના છંટકાવ જેવી ધાર્મિક પરંપરાઓનું પાલન કરાવવામાં આવે તેવી માંગ કરવામાં આવી છે.
સંગઠનનું કહેવું છે કે આ પ્રકારની વ્યવસ્થાથી ગરબા આયોજનમાં ધાર્મિક વાતાવરણ જળવાઈ રહે અને યુવતીઓની સુરક્ષા અંગે જાગૃતિ વધે. હિન્દુ સેનાએ ગરબા આયોજકોને આ બાબતે જરૂરી તકેદારી રાખવા અપીલ કરી છે.
‘લવ જેહાદ’ અંગે જાગૃતિ અભિયાનનો દાવો
હિન્દુ સેના ગુજરાત પ્રમુખ પ્રતિક ભટ્ટે જણાવ્યું હોવાનું સંગઠન દ્વારા જાહેર કરવામાં આવ્યું છે કે નવરાત્રી દરમિયાન યુવતીઓ સાથે થતી છેતરપિંડી અથવા તેમને સંબંધોના નામે ફસાવવાના બનાવોને રોકવા માટે સમાજમાં જાગૃતિ લાવવી જરૂરી છે.
સંગઠન દ્વારા નવરાત્રી દરમિયાન લોકોને સાવચેત રહેવા માટે પત્રિકાઓ અને સંદેશાઓના માધ્યમથી જાગૃતિ ફેલાવવાની વાત પણ કરવામાં આવી છે. હિન્દુ સેનાનો દાવો છે કે યુવતીઓ અને તેમના પરિવારજનોને અજાણ્યા લોકો સાથેના સંબંધો અંગે સાવચેતી રાખવા માટે સમજાવવામાં આવશે.
સરકાર પાસે પરિપત્ર બહાર પાડવાની માંગ
હિન્દુ સેનાએ ગુજરાત સરકારને નવરાત્રી પહેલાં જ પરિપત્ર બહાર પાડીને ગરબા સ્થળોએ આઈડેન્ટિટી વેરિફિકેશનની વ્યવસ્થા ફરજિયાત કરવાની માંગ કરી છે. સંગઠને ગરબા આયોજકોને પણ સુરક્ષા અને પ્રવેશ વ્યવસ્થા અંગે સાવચે
