વિશાલ ભારદ્વાજનો દિકરો આસમાન ભારદ્વાજ પણ નિર્દેશક બની ગયો છે. તેની પહેલી ફિલ્મ ‘કુત્તે’ તેરમી જાન્યુઆરીએ આવી રહી છે. ફિલ્મનું ટ્રેલર રીલીઝ થઇ ગયું છે અને તે ખુબ પસદ કરવામાં આવ્યું છે. સાત ગ્રે શેડ પાત્રોને ટ્રેલરમાં દેખાડવામાં આવ્યા છે. ફિલ્મમાં અર્જુન કપૂર, તબ્બુ, નસિરૂદ્દીન શાહ, કોંકણા સેન શર્મા, કુમુદ મિશ્રા, રાધિકા મદાન, શાર્દુલ ભારદ્વાજનો અભિનય છે. ફિલ્મનું નિર્માણ લવ રંજન, વિશાલ ભારદ્વાજ, અંકુર ગર્ગ, રેખા ભારદ્વાજે કર્યુ છે. તબ્બુ વધુ એક વખત પોલીસ અધિકારીના રોલમાં છે. દર્શકો પોતાને ગમતાં અભિનેતાઓને એવું કરતાં નિહાળશે જે તેમણે અગાઉ કદી જોયુ નથી.
વિશાલે આ ફિલ્મમાં સંગીત પણ આપ્યું છે. અર્જુન કપૂરે તાજેતરમાં કહ્યું હતું કે આટલા વર્ષો પછી મને એક જબરદસ્ત ફિલ્મ મળી છે. આ ફિલ્મ મારા માટે ખુબ જ ખાસ છે.
