રાગડા પેટીસ
સામગ્રી: બટાકા,આદુ,લીલા મરચાં, ગોળ,આમલી, સફેદ વટાણા,ટામેટા,ડુંગળી, કોથમીર,ગરમ મસાલો,તેલ,ચણા ના દાળિયા, મીઠું,લાલ મરચું,હળદર, ધાણાજીરું,સેવ,લીંબુ, લસણ,હિંગ,
રીત: ★લીલી તીખી ચટણી: કોથમીર,દાળિયા, લીલા મરચાં, લસણ,મીઠું, થોડું પાણી, લીંબુ રસ બધુ મિક્ષ કરી ક્રશ કરી ચટણી તૈયાર કરીલો.લાલ ખાટી મીઠી ચટણી: આમલી-ગોળ બાફી ક્રશ કરી ગાળીને ઉકાળીને મીઠું નાખીને ચટણી તૈયાર કરીલો.હવે સફેદ વટાણા એક રાત પાણી માં પલાળી બાફી લો.એક વાસણ માં તેલ લઈ રાઈ,હિંગ તતળે એટલ તેમાં બાફેલા વટાણા નાખી જરૂર મુજબ લાલ મરચું,ગરમ મસાલો, મીઠું,હળદર, ધાણાજીરું,નાખીને ઉકાળી ને રગડો તૈયાર કરો.હવે બટાકા ને બાફી છોલી તેમાં વાટેલા આદું-મરચાં, મીઠું,હળદર, નાખી મિક્ષ કરીને ગોળ-ગોળ પેટીસ તૈયાર કરી તવી પર મૂકી તેલ નાખી બદામી રંગની થાય ત્યાં સુધી તળી લો.પછી એક પ્લેટ માં પેટીસ મૂકી તેની ઉપર રગડો ,લાલ ચટણી,લીલી ચટણી,ઝીણી કરેલી ડુંગળી,ટામેટા, સેવ,કોથમીર નાખો અને તૈયાર છે સ્વાદિષ્ટ મજેદાર રાગડા પેટીસ.
ટિપ્સ:
(બનાવેલ ચટણી ભેળ,સેવ પુરી,દહીં પુરી, કોઈપણ ચાટ મા નાખીને ખાઈ શકાય)
