બાટલાની કિંમતમાં રૂ.૨૫નો વધારો ઝીંકવામાં આવ્યો છે. જેના પગલે અમદાવાદમાં LPGના બાટલાની કિંમત રૂ.૭૨૬ પર પહોંચી ગઇ છે. માત્ર બે માસના ગાળામાં જ ગેસના બાટલાની કિંમતમાં રૂ.૧૨૫નો વધારો ઝીંકાતા ગૃહિણીઓની સ્થિતિ કફોડી બની છે.
આ અગાઉ ૨ ડીસેમ્બરના રોજ રૂ.૫૦નો અને ૧૫ ડીસેમ્બરના રોજ રૂ.૫૦નો વધારો કરવામાં આવ્યો હતો. બીજી બાજુ સરકાર દ્વારા હજુ સુધી બાટલા પર અપાતી સબસીડી ચાલુ કરવામાં આવી ન હોવાથી લોકોમાં રોષ જોવા મળી રહ્યો છે. આમ, માત્ર ૨ માસના ટૂંકા સમયમાં રૂ.૬૦૧માં મળતો ગેસનો બાટલો રૂ.૭૨૬ સુધી પહોંચી ગયો છે.
