સોશિયલ મીડિયા પર વાયરલ થઈ રહેલો ધક્કામાર ટ્રેનનો વીડિયો હોશંગાબાદમાં ઈટારસી અને હરદા વચ્ચે પડતા ટિમરની રેલવે સ્ટેશન પાસેનો છે. ટાવર વેગનનાં એન્જિનમાં અચાનક ખરાબી આવી ગઇ હતી. ખામીને કારણે, વેગન આગળ તો જઈ રહી હતી પરંતુ વેગનનાં આગળ જવાના કારણે તે પાછી આવી શકતી ન હોતી.
ત્યારબાદ ઇટારસીથી પવન એકસપ્રેસ ટ્રેન ટ્રેક પર આવી. ટ્રેક પર ઉભી રહેલી વેગનને કારણે ટ્રેનને લગભગ એક કિલોમીટર અગાઉથી રોકી દેવામાં આવી હતી અને લગભગ બે કલાક સુધી ટ્રેનને અસર થઈ હતી.ટાવર વેગન ખરાબ થયા બાદ માલગાડીમાં અનાજ ભરેલા કેટલાક મજૂરોને રેલવે સ્ટેશન નજીક વેગનને ધક્કો મારવા માટે બોલાવવામાં આવ્યા હતા.
પરંતુ તે મજૂરોએ વેગનને હલાવી પણ ન શકયા, જેના કારણે વધુ કામદારોને ફરીથી બોલાવવામાં આવ્યા અને ૪૦ થી વધુ કામદારોએ વેગનને એકસાથે ધક્કો માર્યો, વેગનને ખરા તડકામાં ધક્કો મારવામાં આવ્યો હતો અને ભારે મુશ્કેલીથી તેને લૂપ લાઇન પર ૩૦૦ મીટર સુધી ધકેલી દેવામાં આવી હતી, ત્યારબાદ ટ્રેક ખાલી થયો હતો અને પવન એકસપ્રેસ આગળ રવાના થઇ ગઇ હતી.
