કેન્દ્ર સરકારના પગલે એક પછી એક રાજ્યો પણ પેટ્રોલ – ડીઝલ પર વેટ માં ઘટાડો કરવા લાગ્યા,રાજ્ય સરકારોએ એક્સાઇઝ ડ્યુટી અને વેટમાં ધરખમ ઘટાડો કર્યાના પગલે હવે દેશમાં પેટ્રોલમાં પ્રતિલીટર ૧૨ રૂપિયાનો અને ડીઝલમાં પ્રતિલીટર ૧૭ રૂપિયાનો ખુબ જ મોટો ઘટાડો એકસાથે લાગુ થયો છે.અત્યાર સુધીમાં ૦૬ રાજ્યોએ પેટ્રોલ – ડીઝલ પર વેટ માં ઘટાડો કર્યો છે.
પેટ્રોલ અને ડીઝલ ઉપર પ્રતિ લીટર રૂ. ૫ અને રૂ. ૧૦ એકસાઈઝ ડ્યુટી ઘટાડવાની જાહેરાત બાદ મોદી સરકારે દેશની અન્ય રાજ્ય સરકારોને પણ પોતપોતાના રાજ્યોમાં પેટ્રોલ-ડીઝલ ઉપરનો વેટ ઘટાડવા અપીલ કરી છે.. જો રાજ્ય સરકારો પોતાના રાજ્યમાં વેટ ઘટાડે તો પેટ્રોલ અને ડીઝલના ભાવ હજી વધારે સસ્તા થશે. મોટાભાગે ભાજપ શાસિત રાજ્યો વેટ ઘટાડે તેવી શક્યતા છે ! જોકે હાલનો રોજિંદો પેટ્રોલ ડીઝલનો ભાવ વધારો સતત ચાલુ જ રહે તેવી પૂરી શક્યતા છે.
