અમદાવાદ ક્રાઇમ બ્રાંચની ટીમે સાયલા પાસે થયેલ ચાંદીની લૂંટના એક મહિલા સહિત વધુ ત્રણ આરોપીઓને ઝડપી પાડયા

…સાયલા પાસે બોલેરોમાં દારૂ ભરેલો છે તેમ કહીને ઇમીટેશન જવેલરી અને ચાંદીની લૂંટને અંજામ આપ્યો હતો. આ બાબતે પોતાના ઘરમાં દાટી રાખીને રાખેલા જવેલરી અને ચાંદીના રૂ.૪૯.૫૯ લાખના મુદામાલ સાથે ૦૧ મહિલા સહિત ૦૩ શખ્સોને અમદાવાદ ક્રાઇમ બ્રાંચે ઝડપી પાડયા હતા. આ ઉપરાંત વધુ તપાસ અને પુછપરછ માટે સાયલા પોલીસ સ્ટેશને લઇ જવામાં આવ્યા હતા. રાજકોટથી ન્યુઝ એર સર્વીસની બંધ બોડીની બોલેરોમાં અલગ અલગ પાર્સલો લઇને વાહનચાલક અમીતકુમાર શીવકુમાર સીંગ અને કલીનર ત્રીવેણીને બંધક બનાવી બોલેરો ચાલક અમીતને માથમાં લોખંડની ટામી મારી હતી. અને નિર્જન સ્થળે ઉતારીને આયસરમાં પાછળનું બારણું તોડીને અંદર રહેલા ઇમીટેશન જવેલરીના ૩૦ પાર્સલ કિ. રૂ.૫૧.૨૯ લાખ અને ચાંદીના ૬૪ પાર્સલ વજન ૯૯૨ કીલો રૂ.૩.૯૩ કરોડ સાથેની લુંટને અંજામ આપ્યો હતો.આ બાબતે અમદાવાદ શહેરની ક્રાઇમ બ્રાંચે ઓપરેશન ડિપ સર્ચ કરીને તપાસ કરતા આઇસરના માલીક દમણ ખાતેનો હોય તપાસ કરતા તેને એમ.પીના ખેતીયા અને ત્યાથી વેચાણ બાદ અંતે દેવાસ જિલ્લાના ચીડાવદ ગામેના જિતેન્દ્ર બાબુલાલ વાજા સુધીનું પગેરુ બહાર આવતા તેની સાથેના સાગરીતો સાથે મળી સાયલા પાસેની લૂંટની ગેંગનો પર્દાફાશ થયો હતો.

…જ્યારે પોલીસ તપાસમાં જીતેન્દ્ર ઝાંઝાએ તેના સાળા સહિત અન્ય એ દેવાસ જિલ્લાના ચેંબારાધીરા ગામે રહેતા જીતેન્દ્ર જયંતીયા ચૌહાણ તેના પત્ની બબીતાને લૂંટનો માલ છે, જુદી જુદી જગ્યાએ રાખવાનો છે અને ૧૦ ટકા આપવાની લાલચ આપતા જીતેન્દ્ર ચૌહાણે ઘરની પાછળ ખાડો કરીને ૭૫ કિલો ચાંદી કિ.૪૯.૨૯ લાખ અને ઇમીટેશનના ૬.૨ કિલો કિ.૩૦૦૦૦ હજાર મળી કુલ રૂ.૪૯.૫૯ લાખનો મુદામાલ કબજે કર્યો હતો.જયારે લૂંટ ઉપયોગમા લેવાયેલ આઇસરને ૧૦ દિવસ માટે છુપાવવા માટે જીતેન્દ્ર ઝાંઝાએ ગૌતમનગર (એમ.પી)ના કુંદન ઉફે ગોલુ દિલીપ વિશ્વકર્મા આપી હતી અને ઉધાર આપેલા નાણાં માફ કરી દેવામાં આવશે તેમજ ગાડી પણ તને આપવાની લાલચ આપતા કુંદન ઉફે ગોલુએ ખેતરમાં છુપાવેલી આઇસર પોલીસને બતાવતા તમામ મુદામાલ સાથે મહિલા સહિત ૦૩ શખ્સોને ઝડપી સાયલા પોલીસ સ્ટેશને લઇ જવામાં આવ્યા હતા.