Tecno એ તેનો પહેલો ફોલ્ડેબલ સ્માર્ટફોન Tecno Phantom V Fold ભારતમાં લોન્ચ કર્યો છે. ટેકનોનો આ ફોલ્ડેબલ ફોન ભારતીય બજારમાં પહેલાથી જ હાજર સેમસંગ ફોલ્ડેબલ ફોન સાથે કોમ્પિટિશન કરશે. Tecnoનો ફોલ્ડેબલ ફોન આ વર્ષે ફેબ્રુઆરીમાં MWC 2023માં પ્રથમ વખત ડેબ્યૂ થયો હતો. બ્રાન્ડે એમ પણ કહ્યું કે તે સરકારની મેક ઇન ઇન્ડિયા પહેલને અનુરૂપ ફોલ્ડેબલ ફોનનું ભારતમાં ઉત્પાદન કરશે. કંપનીએ કહ્યું કે ભારતમાં આ ફોનને લિમિટેડ સમય માટે ખાસ ડિસ્કાઉન્ટ કિંમતે વેચવામાં આવશે.
11,111 સાથે વધારાનું રૂપિયા 5,000 ડિસ્કાઉન્ટ
Tecno Phantom V Fold સ્માર્ટફોનની કિંમત ભારતમાં રૂ. 88,888 થી શરૂ થાય છે. અર્લી બર્ડ સેલ એમેઝોન ઇન્ડિયા પર 12 એપ્રિલથી શરૂ થવા જઇ રહ્યું છે, આ સમય દરમિયાન, સ્માર્ટફોન એમેઝોન ઇન્ડિયા પર 77,777 રૂપિયાની વિશેષ ડિસ્કાઉન્ટ કિંમતે ઉપલબ્ધ થશે. આ સિવાય HDB બેંકના કાર્ડ પર 5,000 રૂપિયાનું ડિસ્કાઉન્ટ પણ મળશે.
5000ની કિંમતની ફ્રી ટ્રોલી બેગ
TECNO ફોન સાથે, લોકોને બે વર્ષ ની વોરંટી, 5,000 રૂપિયાની ફ્રી ટ્રોલી બેગ, છ મહિનામાં એકવાર ફ્રી સ્ક્રીન રિપ્લેસમેન્ટ પણ મળશે. કસ્ટમર્સને સ્ટેન્ડની સાથે ફ્રી ફાઈબર પ્રોટેક્ટિવ કેસ પણ મળે છે.
આપને જણાવી દઈએ કે ભારતમાં Samsung Galaxy Z Fold 4 5G ની શરૂઆતની કિંમત 1,54,999 રૂપિયા છે, આ કિંમત 12GB + 256GB વેરિઅન્ટની છે. આ ટેકનોનો પ્રથમ ફોલ્ડેબલ ફોન છે અને જ્યારે તેની ડિઝાઇન Galaxy Z Fold 4 જેવી જ છે પરંતુ તે Samsungના Fold 4 કરતા ઘણો બજેટ છે. કિંમતને જોતા, એવું કહી શકાય કે Tecno Phantom V Fold, સેમસંગ ગેલેક્સી Z Flip 4 (પ્રારંભિક કિંમત ₹ 89,999) અને Oppo Find N2 Flip (પ્રારંભિક કિંમત ₹ 89,999) ને ફ્લિપ-ફોલ્ડ સેગમેન્ટમાં સખત કોમ્પિટિશન આપી શકે છે.
