લોકડાઉન ૩.૦ ૧૭મી એ પુરૂ થઈ રહ્યુ છે. પીએમએ જણાવ્યું હતું કે બધા રાજ્યો પાસે ૧૫મી સુધીમા સૂચનો માંગવામાં આવ્યા છે. પીએમએ જણાવ્યું હતુ કે લોકડાઉન ૪.૦ નવા રૂપરંગવાળુ અને નવા નિયમોવાળુ હશે.
લોકડાઉન ૪.૦ માત્ર રેડ ઝોન અને હોટસ્પોટમાં જ કડક રહેશે. ગ્રીન ઝોનમાં વધુ છૂટ અપાશે. ઝોન નક્કી કરવાનો અધિકાર રાજ્યોને અપાશે. સીમીત સ્ટાફ સાથે ઓફિસો ચાલુ કરી શકાશે. રેલ્વેની જેમ વિમાન સેવા પણ શરૂ કરી શકાશે. ઉલ્લેખનિય છે કે મહારાષ્ટ્ર, પંજાબ, બંગાળ સહિતના રાજ્યોએ લોકડાઉન વધારવાની માંગણી કરી હતી. જ્યારે અનેક રાજ્યોએ લોકડાઉન હળવુ કરવાની માંગણી કરી હતી. લોકડાઉન ૪.૦માં રાજ્યો જ નક્કી કરશે કે ક્યા વિસ્તાર ક્યા ઝોનમાં રહેશે ?
