જો તમે પણ નવુ બાઈક કે કાર ખરીદવાનું વિચારી રહ્યા છો, તો આગામી મહિની ખરીદી થોડી સસ્તી પડશે. આવુ એટલા માટે છે કે, વ્હિકલ ઈંશ્યોરન્સના નિયમોમાં મોટો ફેરફાર થવા જઈ રહ્યો છે. આ માટે ઈરડાએ લોંગ ટર્મ મોટર થર્ડ પાર્ટી ઈંશ્યોરન્સ પેકેજ પાછુ લઈ લીધુ છે. ત્યારે હવે કાર ખરીદતી વખતે ૩ વર્ષ અને બાઈક ખરીદતી વખતે ૫ વર્ષનું કવર લેવાનુ જરૂરી નથી. અગાઉ તેને ફરજિયાત કર્યુ હતું. આ ફેરફાર ૧ ઓગસ્ટથી લાગૂ થવા જઈ રહ્યો છે. જેનાથી કરોડો લોકોને ફાયદો થશે.
કોઈ પણ દુર્ઘટનામાં મોટર ઈંશ્યોરન્સ પોલીસી તમને મુખ્ય રૂપે બે રીતે સુરક્ષા આપે છે. એક હોય છે ઈંશ્યોરન્સ કરાવનારનું નુકસાન, જેને ઓન ડેમેજ કહેવાય છે. મતલબ કે વાહનમાં કોઈ તૂટ ફૂટ થાય તો.
આ ઉપરાંત તેમાં થર્ડ પાર્ટી એટલે કે, બીજો વ્યકિત કે, જેનું આ દુર્ઘટનાામાં નુકસાન થયુ છે, તેની પણ ક્ષતિપૂર્તિ ઈંશ્યોરન્સ કવર હોય છે. તો વળી ઓન ડેમેજ પોલીસીમાં થર્ડ પાર્ટી પોલીસીના તમામ કવર ઉપરાંત ઈંશ્યોર્ડ વ્હીકલના નુકસાનનું પણ કવર મળે છે.
ઇન્સ્યોરન્સ એડવાઇઝર ભાવિન પટેલ પ્રમાણે નવા નિયમ પ્રમાણે હવે નવા નિયમ પ્રમાણે ૦૧ વર્ષનો વીમો લેવો પડશે પહેલા બાઇલ ખરીદી પર ૦૫ વર્ષનો વીમો લેવો પડતો હતો અને કાર ખરીદી પર ૦૩ વર્ષનો વીમો લેવો પડતો હતો તે હવે ગ્રાહકો એ લેવો ફરજિયાત નથી જેના કારણે બાઇક પર અંદાજીત ૪૦૦૦રૂ. અને કાર પર અંદાજીત ૮ થી ૧૦,૦૦૦રૂ નો ફાયદો ગ્રાહકોને મળશે.
