NABH પ્રમાણિત અમદાવાદની સર્વપ્રથમ મેડિકલ કોલેજ સંલગ્ન 1000-બેડ મલ્ટી-સ્પેશિયાલિટી હોસ્પિટલ_
NABH (નેશનલ એક્રેડિટેશન બોર્ડ ફોર હોસ્પિટલ અને હેલ્થકેર પ્રોવાઇડર્સ) એ દર્દીની ઉચ્ચતમ સલામતી અને સંભાળ માટે હોસ્પિટલને પ્રમાણિત કરતું રાષ્ટ્રીય બોર્ડ છે. NABH ધોરણોને ધ્યાનમાં રાખીને તબીબી સુવિધાઓ અને પ્રક્રિયાઓનું માળખું તૈયાર થાય છે. જીસીએસ હોસ્પિટલને તાજેતરમાં જ નેશનલ એનએબીએચ દ્વારા માન્યતા પ્રાપ્ત થઇ છે. જે 1000 પથારી ધરાવતી મલ્ટીસ્પેશિયાલીટી હોસ્પિટલ છે. જીસીએસ હોસ્પિટલ માટે ગર્વની બાબત છે કે મેડિકલ કોલેજ સાથે સંકળાયેલ 1000 બેડની મલ્ટીસ્પેશિયાલીટી હોસ્પિટલમાં એક જ પ્રયાસમાં NABHની માન્યતા મેળવી છે.
આ નિમિતે જીસીએસ હોસ્પિટલના સીઈઓ કર્નલ ડો. સુનિલકુમાર રાવે જણાવ્યું હતું કે, “NABH માન્યતા એ કોઈપણ હોસ્પિટલ માટે એક મુખ્ય પડાવ છે કારણ કે તે એ હોસ્પિટલની સુવિધાઓની ગુણવત્તા અને સલામતી ધોરણોના ઉચ્ચતમ ધોરણોને પૂર્ણ કરે છે. જીસીએસ હોસ્પિટલને તાજેતરમાં મળેલાં એનએબીએચ એક્રેડિટેશન એ તમામ સ્ટાફના અથાગ મહેનતનું પરિણામ છે. જે જીસીએસ હોસ્પિટલ દ્વારા દર્દીઓની સંભાળમાં ગુણવત્તા માટેની કટિબદ્ધતાનું પાલન સૂચવે છે.”
શ્રેષ્ઠ તબીબી કુશળતા, અલ્ટ્રા-મોડર્ન ઇન્ફ્રાસ્ટ્રકચર અને સુવિધાઓ તેમજ સમાજ સેવાના ઉદ્દેશ સાથે, જીસીએસ હોસ્પિટલ આજે સમાજના તમામ પ્રકારના લોકોને નજીવા દરે નિદાનથી લઇ સારવાર આપવા કાર્યરત છે.
