સાઉદી અરેબિયાના શહેર મક્કામાં દુનિયાની સૌથી મોટી હોટેલ ‘અબરાજ કુદાઈ’ બનાવવામાં આવી રહી છે. તેમાં 10 હજારથી વધુ રૂમ હશે. આ સાથે આ હોટલમાં 70 રેસ્ટોરાં પણ હશે. જો કે આ હોટલનું કામ વર્ષ 2017માં પૂર્ણ થવાનું હતું, પરંતુ હજુ સુધી તે તૈયાર નથી. આ 3.5 અબજ ડોલરનો પ્રોજેક્ટ છે.
ક્રૂડ ઓઈલના ભાવમાં સતત ઘટાડો થવાના કારણે આ હોટલનું કામ સમયસર પૂર્ણ થઈ શક્યું નથી. હાલ રશિયામાં મોસ્કોમાં આવેલ હોટેલ ઇઝમેલોવો, વિશ્વની સૌથી મોટી હોટેલ છે. અહીં કુલ 7,500 રૂમ છે અને કોઈપણ હોટેલને આ સંખ્યાની બરાબરી કરવામાં થોડો સમય લાગી શકે એમ છે. આખી હોટેલ ચાર ટાવરની બનેલી છે, જેમાં પ્રત્યેકમાં 30 માળ છે.
દરેક ટાવરનું નામ ગ્રીક મૂળાક્ષરો – આલ્ફા, બીટા, વેગા અને ગામા-ડેલ્ટા પરથી રાખવામાં આવ્યું છે. 1980ના ઓલિમ્પિયાડ દરમિયાન એથ્લેટ્સને અહીં જ રાખવામાં આવ્યા હતા.
