નરેન્દ્ર મોદી સ્ટેડિયમમાં ટેસ્ટ મેચને લઈને ધમકી આપનાર આરોપીઓને અમદાવાદ લવાયા છે. ખાલીસ્તાની આતંકવાદીના નામથી અલગ અલગ ટ્વીટ પણ કર્યા હતા. ધમકી ભર્યા મેસેજ વાયરલ કરવાનું કામ કરના બેની ધરપક કરી છે. મધ્યપ્રદેશથી અમદાવાદ ક્રાઈમ બ્રાન્ચ દ્વારા લાવવામાં આવ્યા છે.
અમદાવાદ સાયબર ક્રાઈમ દ્વારા આરોપીઓની મધ્યપ્રદેશથી ધરપકડ કરવામાં આવી છે. ધમકી અને ડર ફેલાવાનું આરોપીઓનું મોટું નેટવર્ક હોવાની પણ આશંકા છે. આરોપીઓ પાસેથી 11 સીમ બોક્સ, 400 સીમ કાર્ડ અને 4 રાઉટર જપ્ત કરવામાં આવ્યા છે.
પ્રિ રેકોર્ડ મેસેજ કરીને ધમકી ભર્યો મેસેજ ફરતો કર્યો હતો. મધ્યપ્રદેશના બે જુદા-જુદા સ્થળેથી ધરપકડ કરવામાં આવી છે. રાહુલકુમાર હરીહર દ્વિવેદી અને નરેન્દ્ર કુશવાહની ધરપકડ કરવામાં આવી છે.
આ મેસેજ વાયરલ થયા બાદ અમદાવાદ ક્રાઈમ બ્રાન્ચ એક્શનમાં આવી ગઈ છે. અમદાવાદ ક્રાઈમ બ્રાન્ચે મેસેજને ટ્રેક કર્યો હતો અને મેસેજ ક્યાંથી મોકલવામાં આવ્યો હતો તેની તપાસ શરૂ કરી હતી. ગુજરાતમાં હજારો લોકોના ઓડિયો-વિડિયો મેસેજ અને કોલ આવ્યા. એક વીડિયો પણ વાયરલ થયો હતો. લોકોને ઘરમાં રહેવા અને સુરક્ષિત રહેવાની ધમકી આપવામાં આવી હતી. જેમનો હેતુ મેચ પહેલા લોકોમાં ભયનું વાતાવરણ ઉભું કરવાનો હતો.
