હળવદમાં બે ઇસમોએ યુવતીની છેડતી કરી નિર્લજ્જ હુમલો કરતા ચકચાર મચી
મહિલાઓ આજે પણ સલામત ના હોવાનો જીવતો જાગતો પુરાવો
હળવદ શહેરમાં રહેતી યુવતીને બે ઇસમોએ ઘરની બહાર હોય ત્યારે જાહેરમાં છેડતી કરી નિર્લજ્જ હુમલો કરી માર મારી ઈજા કરી હોવાની પોલીસ ફરિયાદ નોંધાઈ છે જે ફરિયાદને આધારે પોલીસે બે ઈસમો વિરુદ્ધ ગુનોનોંધી વધુ તપાસ ચલાવી છે
બનાવની પ્રાપ્ત વિગતો મુજબ હળવદ શહેરમાં રહેતી યુવતીએ આરોપી અસબાઝ મયુદીન ફકીર અને અકબર ઉર્ફે કાળો સરફરાજ માણેકીયા વિરુદ્ધ છેડતી કરી હુમલો કર્યાની ફરિયાદ નોંધાવી છે જેમાં ભોગ બનનાર યુવતીએ ફરિયાદમાં જણાવ્યું છે કે ગત તા. ૦૩ ના રોજ સાંજના સુમારે તે ઘરની બહાર શેરીમાં જતી હતી ત્યારે બપોરે શેરીમાં કોઈ હાજર ના હોય ત્યારે ભવાનીનગર ઢોરાંમાં રહેતા અસબાઝ મયુદીન ફકીર અને અકબર ઉર્ફે કાળો સરફરાજ માણેકીયા બંને બાઈક લઈને આવ્યા હતા અને બાઈક ઉભું રાખી એકલતાનો લાભ લઈને અસબાઝે હાથ પકડી લીધો હતો અને અકબરે છેડતી કરી આબરૂ લેવાની કોશિશ કરી હતી જેથી યુવતીએ દેકારો કરતા યુવતીનો ભાઈ આવી જતા બંને લોકો ગાળો બોલી ઝઘડો કરવા લાગ્યા હતા અને બાઈકમાંથી ધોકો કાઢી અસબાઝે યુવતીના ભાઈને મારી ગાલના ભાગે અને પગના ભાગે ધોકા મારી ઈજા કરી તેમજ અકબરે યુવતીના ભાઈને પકડી રાખ્યો હતો અને યુવતીને પણ છાતીના ભાગે ઢીકા મારી ગાળો બોલતા હતા ત્યારે યુવતીના ભાભી અને અન્ય લોકો આવી જતા બંને ઈસમો બાઈક લઈને જતા રહ્યા હતા અને બનાવમાં ફરિયાદી યુવતી તેમજ તેના ભાઈને ઈજા થતા સારવાર માટે હોસ્પિટલ ખસેડાયા હતા
આમ યુવતી ઘરની બહાર શેરીમાં એકલી જતી હોય ત્યારે એકલતાનો લાભ લઈને અસબાઝ મયુદીન ફકીર અને આકાર સરફરાજ માણેકીયા બંને બાઈકમાં આવી હાથ પકડી તેમજ છેડતી કરી આબરૂ લેવાની કોશિશ કરી હતી અને યુવતીનો ભાઈ આવી જતા ધોકા વડે માર મારી ઈજા કર્યાની ફરિયાદ નોંધાવી છે હળવદ પોલીસે બંને આરોપીઓ વિરુદ્ધ છેડતી તેમજ મારામારીની ફરિયાદ નોંધી વધુ તપાસ ચલાવી છે
