NCP અને ભાજપના કાર્યકરો વચ્ચે બોલાચાલી
કુબેરનગર વોર્ડમાં NCP ઉમેદવાર નિકુલસિંહ તોમરના કાર્યકતાઓ અને ભાજપના કાર્યકર્તાઓ વચ્ચે બોલાચાલી થઈ હતી. જ્યાં તાત્કાલિક ડીસીપી ઝોન 4 સહિતનો પોલીસ કાફલો પોહચ્યો હતો. હાલમાં મામલો થાળે પડી ગયો છે.નિકુલસિંહ તોમરનો આક્ષેપ છે કે કુબેરનગર વોર્ડમાં સારું મતદાન થઈ રહ્યું છે અને ભાજપ દ્વારા માહોલ બગાડવાનો પ્રયત્ન થઈ રહ્યો છે. ભાજપ અમને ઉશ્કેરવાનો પ્રયત્ન કરી રહી છે.કુબેરનગર વોર્ડ અતિ સંવેદનશીલ મથકમાં આવે છે. જેથી ચુસ્ત પોલીસ બંદોબસ્ત હોવા છતાં બોલાચાલી અને ગરમાગરમી થઈ હતી.
