બજાજ કંપની હવે સીએનજીમાં એન્ટ્રી કરી રહી છે. કંપની હવે CNG બાઈક લઈને માર્કેટમાં આવી રહી છે. બજાજ ઓટોએ જણાવ્યું છે કે કંપની દ્વારા ૧૮ જૂન, ૨૦૨૪ના રોજ વિશ્વની પ્રથમ CNG મોટરસાઇકલ લોન્ચ કરવામાં આવશે. બજાજ ઓટોના મેનેજિંગ ડિરેક્ટર રાજીવ બજાજે નવી પલ્સર NS400Zના લોન્ચિંગ સમયે આ માહિતી આપી હતી.
બજાજ CNG મોટરસાઇકલમાં શું છે ખાસ ?
બજાજની નવી CNG મોટરસાઇકલ અનેક પ્રસંગોએ જોવામાં આવી છે. ટેસ્ટિંગ બાઈક પર એક મોટી ઈંધણ ટાંકી દેખાય છે, જે ડ્યુઅલ ફયુઅલ સિસ્ટમ તરફ નિર્દેશ કરે છે. કંપનીની આગામી ઓફર કોમ્યુટર હશે અને તે લગભગ ૧૦૦-૧૨૫ સીસીની હશે. ટેસ્ટ બાઇકમાં ટેલિસ્કોપિક ફ્રન્ટ ફોર્ક્સ, પાછળના ભાગમાં મોનોશોક, ડિસ્ક અને ડ્રમ બ્રેક સેટઅપ સાથે જોવામાં આવ્યું હતું. સુરક્ષાના ધોરણોને પૂર્ણ કરવા માટે બાઇક સિંગલ-ચેનલ ABS અથવા કોમ્બી-બ્રેકિંગથી સજ્જ થઈ શકે છે.
નવી CNG બાઈકનું નામ શું હશે તેની કોઈ માહિતી નથી. બજાજે તાજેતરમાં બ્રુઝર નામનું ટ્રેડમાર્ક કર્યું છે, જે મોટરસાઇકલનું સત્તાવાર નામ હોઈ શકે છે. પ્રથમ બજાજ સીએનજી બાઇક ભવિષ્યમાં વધુ સીએનજી મોડલ માટે માર્ગ મોકળો કરે તેવી અપેક્ષા છે.
સ્થાનિક ઉત્પાદકે તાજેતરમાં ભારતીય બજારમાં તેની ફ્લેગશિપ પલ્સર લોન્ચ કરી છે. તેનું નામ Pulsar NS400Z છે અને તેની ઍક્સ-શોરૂમ કિંમત ૧.૮૫ લાખ રૂપિયા છે. પલ્સર ને પાવરિંગ ઍ જ ઍન્જિન છે જે ડોમિનાર ૪૦૦ ને પાવર કરે છે. તે લિક્વિડ-કૂલ્ડ ૩૭૩ સીસી યુનિટ છે, જે ૮૮૦૦ આરપીઍમ પર ૩૯ બીઍચપીની મહત્તમ શક્તિ અને ૬૫૦૦ આરપીઍમ પર ૩૫ ઍનઍમનું પીક ટોર્ક આઉટપુટ ઉત્પન્ન કરે છે.
