સ્થાનિક સ્વરાજની ચૂંટણીનું કાઉન્ટ શરૂ થઇ ગયુ છે. એવા સમયે વડાપ્રધાન નરેન્દ્રભાઇ મોદીની ભત્રીજી સોનલ મોદીએ પણ ચૂંટણી લડવા માટે ટિકિટ માંગી છે.
PM મોદીના નાના ભાઇ પ્રહલાદ મોદીની પુત્રી સોનલ મોદીએ અમદાવાદના બોડકદેવ વોર્ડમાંથી પોતાની દાવેદારી નોંધાવી છે. આ અંગે સોનલ મોદીના પિતા પ્રહલાદ મોદીનું કહેવું છે કે, મારી પુત્રી લોકશાહીમાં જીવે છે. લોકશાહીમાં દરેકની ચૂંટણી લડવાનો અને ટિકિટ માંગવાનો અધિકાર છે. જો કે મારી દીકરીને ટિકિટ આપવાનો આખરી નિર્ણય તો ભાજપ પાર્લામેન્ટરી બોર્ડ જ કરશે.
બીજી તરફ સોનલ મોદીનું કહેવું છે કે, મેં વડાપ્રધાનના પરિવારના સભ્ય તરીકે નહીં, ભાજપના કાર્યકર તરીકે ટિકિટ માંગી છે. મને ટિકિટ આપવી કે નહી તે પાર્લામેન્ટર બોર્ડ દ્વારા જ નકકી કરાશે. પાર્ટી દ્વારા મને કોઇ પણ કામગીરી સોંપવામાં આવશે તે હું કરીશ.
