ઇજનેરો, વૈજ્ઞાનિકો અને સંશોધકોની આગામી પેઢીમાં વિજ્ઞાન અને ટેક્નોલોજીના વિવિધ આયામો પ્રત્યે જીજ્ઞાસા અને ઉત્સાહ જગાડવાના ઉદ્દેશ્ય સાથે ભારતીય પ્રૌધોગિકી સંસ્થાન ગાંધીનગર (IITGN) 15 એપ્રિલ 2023ના રોજ ‘G20-Ignite નું આયોજન કરવા જઈ રહ્યું છે.
જે ધોરણ 10થી 12ના શાળાના વિધાર્થીઓ અને તાજેતરમાં ધોરણ 12 પાસ કરેલા વિધાર્થીઓ માટે વિશેષરૂપે ડિઝાઈન કરાયેલ વિજ્ઞાન અને ટેકનોલોજી મેળો છે. દિવસભર ચાલનારા મેળાને રોમાંચક પ્રવૃત્તિઓ, હેન્ડ્સ ઓન ટ્રેનિંગ મોડ્યુલ્સ, ઇન્ટરેક્ટિવ શોકેસ અને પ્રદર્શનો અને IITGN સ્ટુડન્ટ ટેકનિકલ કાઉન્સિલ અને તેની સંલગ્ન ક્લબ્સ હોબી ગ્રુપ્સ, સેન્ટર ફોર ક્રિએટિવ લર્નિંગ (CCL), અને HackRush જેવી TGNના વિદ્યાર્થીઓની પહેલ દ્વારા ક્યુરેટ કરાયેલી વર્કશોપ અને સ્પર્ધાઓ સાથે આયોજિત કરાયો છે.
ગેમ ડેવલપમેન્ટ, બ્લોકચેન ટેક્નોલોજીને સમજવું, વિજ્ઞાન અને ટેક્નોલોજી આધારિત ટ્રેઝર હન્ટ અને ક્વિઝ, ખગોળશાસ્ત્ર વર્કશોપ સ્ટ્રક્ચરલ એન્જિનિયરિંગ સ્પર્ધા વગેરેનો સમાવેશ થાય છે. વધુમાં વિદ્યાર્થીઓ સાયલન્ટ ડીજે, લાઈટ એન્ડ સાઉન્ડ શો, 3ડી પ્રિન્ટીંગ અને લેસર કટીંગ ટેકનોલોજી, સંશોધન શોકેસ સાઇટેક થીમ આધારિત એન્ટરટેઇનમેન્ટ અને ઘણા બધા ઇવેન્ટ્સ દ્વારા મેળાને માણી શકે છે.
વિવિધ સ્પર્ધાઓ અને પ્રવૃત્તિઓ ઉપરાંત IITGNનું સેન્ટર ફોર ક્રિએટિવ લર્નિંગ એક હેન્ડ્સ ઓન વર્કશોપનું આયોજન કરશે. જે આઉટ-ઓફ-ધ-બોક્સ વિચારસરણી, સમસ્યાનું નિરાકરણ અને એક્ટિવ લર્નિંગને પ્રોત્સાહન આપશે. આ ઇવેન્ટમાં બે અલગ અલગ વર્લ્ડ રેકોર્ડ તોડવાના પ્રયાસો પણ કરવામાં આવશે. IIT ગાંધીનગરની અસંખ્ય સંશોધન પ્રયોગશાળાઓ મોડેલો, પ્રાયોગિક સેટ-અપ્સ અને શોકેસનો ઉપયોગ કરીને વિજ્ઞાન અને તકનીકીની વિભાવનાઓને સરળ બનાવવા માટે નિદર્શન કરશે, આ અનોખું પ્રદર્શન કે જેમાં વિધાર્થીઓને IIT ગાંધીનગરના ગતિશીલ સંશોધન અને શૈક્ષણિક ઇકોસિસ્ટમની ઝલક પ્રદાન કરી હતી.
પહેલ વિશે વાત કરતા, પ્રોફેસર અમિત પ્રશાંત, ડીન, RD, IITGNએ જણાવ્યું કે “શરૂઆતથી જ IIT ગાંધીનગર STEAM ક્ષેત્રોમાં શિક્ષણ, જ્ઞાન પ્રસાર, નવીન સંશોધન અને ઇન્ટરેક્ટિવ આઉટરીય પ્રોગ્રામ્સ માટેનું એક મહત્વપૂર્ણ સૂત્રધાર રહ્યું છે. G20-Ignite’ દ્વારા અમે ઈચ્છીએ છીએ કે Get-Z વિજ્ઞાન, ટેક્નોલોજી, શોષ, અને નવીનતાની અજાયબીઓની ઉજવણી કરે અને તેને આગળ વધારે. તે શાળાના વિદ્યાર્થીઓ, કૉલેજના પ્રતિનિધિઓ, અને રસ ધરાવતા હિતધારકોને IITGNની આંતરિક તકનીકી કુશળતા, અત્યાધુનિક ઇન્ફ્રાસ્ટ્રક્ચર અને સંશોધન સુવિધાઓ, અને સર્જનાત્મક શિક્ષ કાર્યક્રમોનો અનભવ કરવાની તક પણ પરી પાડશે “
