Layoffs in 2023: એડટેક બાયજૂ (BYJU’S) ટૂંક સમયમાં ખર્ચ ઘટાડવા માટે ઝડપી નિર્ણય લઈ શકે છે. એક રિપોર્ટમાં કહેવામાં આવ્યું છે કે, આ કંપની ખોટ ઘટાડવા માટે 1000 કર્મચારીઓની છટણી કરશે. ધ મોર્નિંગ કોન્ટેક્સ્ટનો દાવો છે કે, બાયજૂ (BYJU’S) ની સેલ્સ અને માર્કેટિંગ ટીમને કંપનીના આ નિર્ણયથી સૌથી વધુ નુકસાન થશે. છેલ્લા ફન્ડિંગ રાઉન્ડમાં તેનું મૂલ્ય 22 અબજ ડોલર હતું.
બાયજૂ (BYJU’S) ના આ સમાચાર એવા સમયે આવી રહ્યા છે જ્યારે કંપનીએ તેની 1.2 અબજ ડોલરના ટર્મ લોન બીના ધિરાણકર્તાઓ વિરુદ્ધ કેસ દાખલ કર્યો છે, જે તેણે નવેમ્બર 2021 માં યુએસમાં લીધી હતી. કંપનીએ એમ પણ જણાવ્યું છે કે, જ્યાં સુધી મામલો ઉકેલાય નહીં ત્યાં સુધી તે વધુ વ્યાજ ચૂકવશે નહીં.
કંપનીએ શું પગલાં લીધા
કંપનીએ તેના નિવેદનમાં જણાવ્યું હતું કે, તેણે 1.2 અમેરિકન ડોલરના ટર્મ લોન બી (TLB) ને પડકારવા અને રેડવુડ કેપિટલ મેનેજમેન્ટને અયોગ્ય જાહેર કરવા માટે ન્યૂયોર્ક સુપ્રીમ કોર્ટમાં ફરિયાદ દાખલ કરવા માટે નિર્ણાયક કાર્યવાહી કરી છે. બાયજુના જણાવ્યા મુજબ, આ યુક્તિઓમાં કંપનીની સંપત્તિ જપ્ત કરવાની ધમકી અને લોનની વહેલી ચુકવણીની માગણીનો સમાવેશ થાય છે.
કંપની પહેલાં પણ કરી ચૂકી છે છટણી
મીડિયા રિપોર્ટ મુજબ, આ વર્ષની શરૂઆતમાં કંપનીએ લગભગ 1,500 કર્મચારીઓની છટણી કરી હતી. બાયજૂ (BYJU’S) એ ખર્ચ અને કામગીરીને ટાંકીને લગભગ 1,500 કર્મચારીઓને કાઢી મૂક્યા હતા. મિન્ટના અહેવાલમાં કહેવામાં આવ્યું છે કે, બાયજૂ (BYJU’S) ના આ નિર્ણયથી ઘણા વિભાગો પ્રભાવિત થયા છે.
સીઈઓએ કહ્યું હતું નહીં થાય છટણી
બાયજુના સ્થાપક અને સીઈઓ બાયજુ રવિન્દ્રને ઓક્ટોબરમાં કર્મચારીઓને ખાતરી આપી હતી કે નિયોજિત 2,500 કર્મચારીઓની આગળ કોઈ છટણી કરવામાં આવશે નહીં. મે મહિનામાં, બ્લેકરોકે એડટેક પ્રમુખ બાયજુના વેલ્યુએશનમાં 8.29 બિલિયન ડોલરનો ઘટાડો કર્યો હતો.
