મે મહિનામાં તાપમાન ૪૫ને પાર જવાથી લૂ ની શક્યતાઓ છે. આ વખતે આકરી ગરમી બાદ ચોમાસાની શરુઆત સાથે આંધી-વંટોળની સ્થિતિ રહેવાની પણ શક્યતાઓ જાણીતા હવામાન આગાહીના નિષ્ણાત અંબાલાલ પટેલે વ્યક્ત કરી છે.
ગાંધીનગરના પાલજમાં વિશાળ હોળી દહન સમયે અંબાલાલ પટેલ હોળીનો વરતારો કરવા માટે પહોંચ્યા હતા, તેમણે કહેલ કે આ વખતે એપ્રિલ પછી મે અને જૂન સુધી આંધી-વંટોળ રહી શકે છે. ચક્રવાત ઉભા થવાની શક્યતાઓ સાથે ઓગસ્ટ – સપ્ટેમ્બર – ઓક્ટોબરમાં પણ વરસાદના યોગ અંબાલાલ પટેલ જોઈ રહ્યા છે.
વાયુના તોફાનો વધુ રહે. એપ્રિલ, મે, જૂનમાં પવનનું જોર વધુ રહેશે. જૂનમાં વંટોળ સાથે વરસાદની શક્યતાઓ. આ વર્ષે ચોમાસું સારું રહેવાની શક્યતાઓ હોવાનું અંબાલાલ જણાવી રહ્યા છે.
ખેડૂતો માટે આ વર્ષે સારો વરસાદ થશે, પાછોતરો વરસાદ પણ સારો થવાની શક્યતાઓ છે. આ સાથે તેમણે ઉનાળો આકરો રહેવાની પણ આગાહી કરી છે. ૨૬ એપ્રિલ પછી ભારે ગરમી,૧૦-૧૧ મે પછી ચક્રવાતોની શક્યતા. રાજસ્થાનમાં ૪૯ ડિગ્રી સેલ્સિયસ થવાની શક્યતાઓ હોવાનો વર્તારો અંબાલાલ પટેલે કર્યો છે.
