ઓઢવ પોલીસ સ્ટેશનના પો.સ.ઈ ડી.આઈ.પટેલ તથા સાથેના સ્ટાફના માણસો નાસતા ફરતા આરોપીઓની તપાસમાં તેમજ શોધી કાઢવા માટે પોલીસ સ્ટેશન વિસ્તારમાં પેટ્રોલીંગમા હતા તે દરમ્યાન અ.હેડ.કોન્સ વિવેકકુમાર ભીખુભાઈ નાઓને મળેલ બાતમીના આધારે ઓઢવ રીંગરોડ કાકા ભાજીપાંઊ હોટલની સામે રોડ ઉપર જાહેરમાં પંચો સાથે રેડ કરતા આરોપી સુરેશ રમેશભાઈ રાણાને પકડી પાડયો હતો,
આરોપીની પુછપરછ કરતા આરોપી આજથી બે વર્ષ પહેલા બનાસકાંઠા જીલ્લાના પાલનપુર વેસ્ટ પોલીસ સ્ટેશનમાં પ્રોહીબીશનના ગુનામાં તથા આજથી એક વર્ષ પહેલા ગાંધીનગર જીલ્લાના અડાલજ પોલીસ સ્ટેશનમાં પ્રોહીબીશનના ગુનામાં તથા આજથી ત્રણ માસ પહેલા રાજકોટ શહેર ડી.સી.બી પોલીસ સ્ટેશનમાં પ્રોહીબીશનના ગુનામાં વોન્ટેડ હોવાની કબુલાત કરી હતી.
પોલીસે આ બાબતે તપાસ કરતા આરોપી વિરૂધ્ધ ઉપર મુજબના ગુનાઓ દાખલ થયેલ હોવાની પાકી ખાતરી થતાઆરોપી વિરૂધ્ધ કાયદેસર કાર્યવાહી કરવામાં આવી છે.
