* બિહારમાં ૨૪૩ બેઠકો માટેની મતગણતરીના વલણો સ્પષ્ટ ચિત્ર દર્શાવે છે, જેમાં એનડીએ કલ્પનાતીત ક્લીન સ્વીપ તરફ આગળ વધી રહ્યું છે.
* એનડીએ કુલ ૧૮૮થી ૧૯૦ બેઠકો પર જબરદસ્ત લીડ ધરાવે છે, જ્યારે મહાગઠબંધન માત્ર ૫૧ બેઠકો પર આગળ છે.
* નીતિશ કુમારની જેડીયુ ૭૬ બેઠકો પર લીડ સાથે સૌથી મોટા પક્ષ તરીકે ઉભરી રહી છે. ૨૦૨૦ માં ૪૩ બેઠકો જીતનાર જેડીયુ ને આ વખતે ૪૦ થી વધુ બેઠકોનો ફાયદો થતો દેખાઈ રહ્યો છે.
* એનડીએને ગત ચૂંટણીની સરખામણીમાં ૬૦ થી વધુ બેઠકોનો ફાયદો થઈ રહ્યો છે, જે નીતિશ કુમારની સત્તામાં વાપસી લગભગ નિશ્ચિત કરે છે.
* ચિરાગ પાસવાનની એલજેપી એ ૨૮ બેઠકો પર ચૂંટણી લડી હતી અને ૨૩ બેઠકો પર આગળ ચાલી રહી છે, જે એક શાનદાર પ્રદર્શન છે.
* આરજેડી ના તેજસ્વી યાદવ રાઘોપુર બેઠક પરથી એનડીએ ના ઉમેદવાર સતીશ યાદવ કરતાં આગળ ચાલી રહ્યા છે.
* જોકે, તેજસ્વીના મોટા ભાઈ બળવાખોર તેજ પ્રતાપ મહુઆ બેઠક પરથી પાછળ ચાલી રહ્યા છે. પણ તેમણે બહાર બેઠકનો લાલુપ્રસાદ યાદવના પક્ષને નુકસાન કરાવ્યું
* ભોજપુરી અભિનેતા અને આરજેડી ના ઉમેદવાર ખેસારી લાલ યાદવ છપરા બેઠક પરથી પાછળ છે.
* પ્રશાંત કિશોરની પાર્ટી ‘જન સૂરાજ’ આ ચૂંટણીમાં પોતાનું ખાતું ખોલાવવામાં નિષ્ફળ રહી હોય તેવું દેખાઈ રહ્યું છે.
* આરજેડી ના બાહુબલી ઉમેદવાર રિતલાલ યાદવ દાનાપુરથી અને શહાબુદ્દીનના પુત્ર ઓસામા રઘુનાથપુરથી આગળ ચાલી રહ્યા છે.
* આ વખતે બિહારમાં બે તબક્કામાં ૬૭.૧૦% વિક્રમી મતદાન થયું હતું, જે ૨૦૨૦ ની ચૂંટણી કરતાં લગભગ ૧૦% વધુ છે.
