સોલા વિસ્તારના વિવાન્તા ઇન્ટરનેશનલ સ્પા પર અમદાવાદ કરાઈમ બ્રાન્ચની Anti Human Trafficking Unit ટીમે દરોડો પાડી ગેરકાયદેસર દેહવ્યાપારના રેકેટનો પર્દાફાશ કર્યો છે. મસાજ પાર્લરની આડમાં ચાલતા આ ધંધાની ગુપ્ત માહિતી મળ્યા બાદ પોલીસે સચોટ યોજના બનાવીને રેડ હાથ ધરી હતી.
AHTUને બાતમી મળી હતી કે વૈષ્ણોદેવી સર્કલ પાસે રનસ્કેપ બિલ્ડિંગના પ્રથમ માળે આવેલ વિવાન્તા સ્પા માં મહિલા દ્વારા મસાજની આડમાં દેહવ્યાપાર ચલાવી રહ્યો છે. આ માહિતીની પુષ્ટિ કરવા માટે પોલીસએ એક ડમી ગ્રાહક મોકલ્યો.ડમી ગ્રાહકે જ્યાં શારીરિક સંબંધ માટે સ્ત્રીની માંગણી કરી અને ભાવતાલ નક્કી કર્યો ત્યારબાદ તેણે પોલીસને સંદેશ મોકલતાં જ ટીમે સ્થળ પર દરોડો પાડી દીધો હતો
સ્પાના રિસેપ્શન પર હાજર વ્યક્તિએ પોતાનું નામ તરુણકુમાર (મેનેજર) હોવાનું જણાવ્યું. પૂછપરછમાં જાણવા મળ્યું કે સ્પાના મુખ્ય માલિકો નીલ શાહ, હિરેન ઉપાધ્યાય અને ભાડાના કરારમાં દર્શાવાયેલ ગૌતમ ઠાકોર છે.
રેડ વખતે સ્પાના 15 રૂમમાંથી 10 મસાજ રૂમ હતા. અહીંથી કુલ 8 મહિલાઓ મળી આવી હતી, જેમાંથી 4 મહિલાઓએ ખુલાસો કર્યો કે— તેમને સ્પાના માલિકો દ્વારા દેહવ્યાપાર માટે દબાણ કરવામાં આવતું
પ્રતિ ગ્રાહક તેમને ₹1000 આપવામાં આવતાં. મેનેજર અને માલિકો આ સમગ્ર રેકેટ ચલાવતા હતા આ ઉપરાંત, સ્પામાં કોઈપણ પ્રકારના વેરિફિકેશન દસ્તાવેજો, સ્ટાફ વિગતો અથવા જરૂરી કાનૂની પરવાનગીઓ ઉપલબ્ધ નહોતી.
પોલીસે સ્થળ પરથી પુરાવા મળ્યા બાદ મેનેજર તરુણકુમાર, અને માલિકો ગૌતમ ઠાકોર, નીલ શાહ અને હિરેન ઉપાધ્યાય વિરુદ્ધ હ્યુમન ટ્રેફિકિંગ અને ગેરકાયદેસર દેહવ્યાપારના પ્રાવધાન મુજબ ગુનો દાખલ કર્યો છે.
