બપોરે અમદાવાદની સ્કૂલોને મળી બ્લાસ્ટની ધમકી, ફાયરની ટીમે ઝાયડસમાં તપાસ શરૂ કરી છે. બોમ્બની ધમકીને પગલે વિદ્યાર્થીઓને શાળામાંથી રજા આપી દેવાઈ છે.
અમિત શાહના લોકસભા વિસ્તારની જાણીતી સ્કૂલોને બોમ્બથી ઉડાવાની ધમકી મળી છે. સ્કૂલોને મોકલવામાં આવેલા ઈ-મેલમાં 1:11 વાગ્યે બોમ્બથી ઉડાવી દેવાની ધમકી અપાઈ છે. ઈ-મેલમાં અમદાવાદ ધમાકા બ્લાસ્ટ સ્કૂલ સે સાબરમતી જેલ તક એવું લખવામાં આવ્યું છે. સાથે જ મેલમાં કેન્દ્રીય ગૃહમંત્રી અમિત શાહ અને લોરેન્સ બિશ્નોઈને પણ ટાર્ગેટ કરવાની ધમકી અપાઈ છે.
આ સ્કૂલને ધમકીભર્યો ઈ-મેલ
ઝેબર સ્કૂલ, થલતેજ
મહારાજા અગ્રસેન સ્કૂલ, ગુરુકુળ રોડ
DAV ઈન્ટરનેશલ, મકરબા
નિર્માણ સ્કૂલ, વસ્ત્રાપુર
ઝાયડસ સ્કૂલ, વેજલપુર
CBSE ડિવાઇન ચાઇલ્ડ સ્કૂલ, અડાલજ
આવિષ્કાર સ્કૂલ, કલોલ
જેમ્સ એન્ડ જેમિસન, ખોરજ-ખોડિયાર
સ્કૂલ તરફ આવતો રસ્તો લોકોની અવરજવર માટે બંધ વેજલપુરની ઝાયડસ સ્કૂલ ખાતે પોલીસ અને ફાયરની ટીમ પહોંચી છે સાથે જ એમ્બ્યુલન્સને પણ બોલાવવામાં આવી છે. ફાયરની ચાર ગાડી અને ચાર રેસક્યુ વાન સ્કૂલ પર પહોંચી છે. સ્કૂલમાંથી તમામ વિદ્યાર્થીઓને રજા આપીને ઘરે મોકલી દેવામાં આવ્યા છે. સ્કૂલના 50 મીટર દૂરથી સ્કૂલ તરફ આવતો રસ્તો લોકોની અવરજવર માટે બંધ કરવામાં આવ્યો છે.
DEOની ટીમ અલગ અલગ સ્કૂલે રવાના અમદાવાદ જિલ્લા શિક્ષણાધિકારીની ટીમ અલગ અલગ સ્કૂલે જવાના રવાના થઈ ગઈ છે. વિદ્યાર્થીઓની સુરક્ષાને ધ્યાનમાં રાખીને સ્કૂલને રજા આપી દેવા શાળાઓને આદેશ આપવામાં આવ્યો છે. અમદાવાદ શહેર જિલ્લા શિક્ષણાધિકારી પણ અગ્રસેન સ્કૂલ જઈ રહ્યા છે.
