અમદાવાદ શહેરના મેઘાણીનગર વિસ્તારમાં CISFમાં ફરજ બજાવતા પોલીસ સબ ઇન્સ્પેક્ટરે સર્વિસ રિવોલ્વરથી ગોળી મારી આત્મહત્યા કરવાનો પ્રયાસ કર્યો છે. PSIને તાત્કાલિક સારવાર અર્થે હોસ્પિટલ ખસેડવામાં આવ્યા છે. મેઘાણીનગર પોલીસે આ બનાવ અંગે વધુ તપાસ હાથ ધરી છે.
અમદાવાદ એરપોર્ટ પાછળ આવેલ CISF યુનિટમાં પ્રદિપ કુમાર સબ ઈન્સ્પેક્ટર તરીકે ફરજ બજાવતાં હતાં. તેઓએ અગમ્ય કારણોસર આજે પોતાની સર્વિસ પિસ્તોલ વડે બે રાઉન્ડ ફાયરિંગ કરી આપઘાતનો પ્રયાસ કર્યો હતો. PSIને લોહીલુહાણ હાલાતમાં તાત્કાલિક સારવાર અર્થે બાપુનગરની નારાયણી હોસ્પિટલમાં ખસેડવામાં આવ્યો હતો.
પોલીસ સબ ઇન્સ્પેક્ટરે કેમ આપઘાત કરવાનો પ્રયાસ કર્યો તે અંગે હજુ અકબંધ છે. મેઘાણીનગર પોલીસે દ્વારા કેસ નોંધી વધુ તપાસ હાથ ધરવામાં આવી છે.
