ઈન્ડિયા લિજેન્ડસે શ્રીલંકા સામેની ફાઈનલ મેચમાં 14 રનથી શાનદાર જીત મેળવી છે. 182 રનના લક્ષ્યાંકનો પીછો કરતા શ્રીલંકા લિજેન્ડની ટીમે 20 ઓવરમાં 7 વિકેટના નુકસાન પર 167 રન બનાવી શકી હતી. સનથ જયસુર્યાએ 35 બોલમાં 43 રન બનાવ્યા હતા. ભારત તરફથી યુસુફ પઠાણ અને ઈરફાન પઠાણે 2-2 વિકેટ ઝડપી હતી. મનપ્રિત ગોની અને મુનાફ પટેલે 1-1 વિકેટ ઝડપી હતી.
ઈન્ડિયા લિજેન્ડસે શ્રીલંકાને જીત માટે 182 રનનો ટાર્ગેટ આપ્યો હતો. ઈન્ડિયા લિજેન્ડસ તરફથી તોફાની બેટિંગ કરતા યુસુફ પઠાણે 36 બોલમાં અણનમ 62 રન ફટકાર્યા હતા. આ દરમિયાન તેણે 5 સિક્સર ફટકારી હતી. .
યુવરાજ સિંહે 41 બોલમાં 60 રન બનાવ્યા હતા. સચિન તેંડુલકરે 23 બોલમાં 30 રન બનાવ્યા હતા. વિરેંદ્ર સહેવાગ માત્ર 10 રન બનાવી આઉટ થયો હતો. શ્રીલંકા તરફથી રંગના હેરથ, સનથ જયસુર્યા, મહારુફ અને કૌશલ્યા વિરારત્નેએ 1-1 વિકેટ ઝડપી હતી.
