અમદાવાદ શહેરમાં 24 કલાકમાં ફરી ફાયરિંગની ઘટના સામે આવી છે. રિલીફ સિનેમા કોમ્પલેક્ષ નજીક સામસામે ગોળીબાર થતાં દોડધામ મચી હતી. 2થી 3 રાઉન્ડ ફાયરિંગ થયાની માહિતી મળતા DCP, ACP સહિતના ઉચ્ચ પોલીસ અધિકારીઓ ઘટનાસ્થળે પહોંચ્યો હતો.
સાંજના સુમારે રિલીફ સિનેમા કોમ્પલેક્ષ નજીક મયુદ્દિન પર ફાયરિંગ કરતા સામે પણ 2 રાઉન્ડ ફાયરિંગ થયા હતા. ટુ વ્હીલર પર આવેલા 4 શખ્સોએ પહેલા હુમલો કર્યો હતો બાદમાં વળતાં જવાબમાં મયુદ્દિન નામના શખ્સે પણ સામે ગોળી ધરબી હતી. જો કે ઘટનામાં કોઈ જાનહાનીના સમાચાર નથી પણ ખુલ્લેઆમ 2 થી 3 રાઉન્ડ ફાયરિંગ થતાં સમગ્ર વિસ્તારમાં દોડધામ મચી ગઇ હતી.
