ગુજરાત કેન્સર સોસાયટી સંચાલિત જીસીએસ મેડિકલ કોલેજ ખાતે “કંચન ફાર્મા પ્રાઈવેટ લિમિટેડ ઓડિટોરિયમ”નું ઉદ્દઘાટન શ્રી પંકજભાઈ પટેલ (ચેરમેન – જીસીએસ) ના હસ્તે કરાયું હતું. શ્રી ક્ષિતિષ મદનમોહન (વાઇસ પ્રેસિડન્ટ અને ટ્રસ્ટી – જીસીએસ), શ્રી પ્રશાંત કિનારીવાલા (હોન. જનરલ સેક્રેટરી અને ટ્રસ્ટી – જીસીએસ), કર્નલ ડો. સુનિલકુમાર રાવ (સીઈઓ – જીસીએસ), ડો. કીર્તિભાઇ પટેલ (ડાયરેક્ટર) અને ડો. યોગેન્દ્ર મોદી (ડીન) સહિતના મહાનુભાવોની ઉપસ્થિતિમાં 9 ડિસેમ્બરના રોજ આ ઉદ્દઘાટન સમારોહ યોજાયો હતો. આ અદ્યતન ઓડિટોરિયમનું નિર્માણ શ્રીમતી કંચનબેન ભીખાલાલ શાહ અને પરિવારના સૌજન્યથી કરવામાં આવ્યું છે.
આ યોગદાન બદલ તેમનો જીસીએસ મેનેજમેન્ટે આભાર વ્યક્ત કર્યો હતો. અંદાજીત 2.5 કરોડના ખર્ચે નવનિર્મિત આ અત્યાધુનિક ઓડિટોરિયમ 8,700 ચોરસ ફૂટ ખુલ્લી ફ્લોર સ્પેસમાં 350 લોકોની બેઠક ક્ષમતા ધરાવે છે. 16 ફૂટની મોટી સ્ક્રીન અને LED પ્રોજેક્ટર સાથે અદ્યતન ઈન્ટરનેટ-કનેક્ટેડ ઑડિયો-વિઝ્યુઅલ સુવિધા, CCTV સર્વેલન્સ સાથેની ફાયર-સેફ્ટી સિસ્ટમ અને બીજી ઘણી સુવિધાઓ પણ ઉપલબ્ધ છે.
આ ઓડિટોરિયમ મુખ્ય હેતુ વિદ્યાર્થીઓ અને ડોક્ટર્સ માટે વિવિધ વૈજ્ઞાનિક સભા અને કોન્ફરન્સ આયોજન માટેનો છે.
