November 21, 2026
અપરાધ

ગાંધીનગર: ઘાસ કાપવાનું મશીન ખરીદી રૂ. 3.38 લાખના આપેલા બે ચેક રિટર્ન થતા વેપારી સાથે છેતરપિંડી, 3 સામે ફરિયાદ

ગાંધીનગરના જીઆઇડીસીમાં ખેતીવાડીને લગતા સાધનોનો વેપાર કરનારા વેપારી પાસેથી ઘાસ કાપવાના બે મશીનની ખરીદ કરી અવેજીમાં આપેલા કુલ રૂ.3.38 લાખના બે ચેક બાઉન્સ થતા છેતરપિંડી આચરનાર ત્રણ શખ્સો સામે સેકટર-21 પોલીસ સ્ટેશનમાં ફરિયાદ નોંધાઈ છે. આ મામલે પોલીસે ત્રણ શખ્સો સામે ગુનો નોંધી વધુ તપાસ હાથ ધરી છે.

ગાંધીનગરના ગિફ્ટ સિટી રોડ પાસે આવેલા રાદેસણના શ્રીરંગ પર્લમાં રહેતા 33 વર્ષીય અમોલ માધવ પાટીલ સેક્ટર-28 જીઆઇડીસી ખાતે સરલ એગ્રો પ્રા.લિ. નામની કંપની ધરાવી ખેતીવાડીને લગતા સાધનોનું સરકારી ધારા ધોરણ મુજબ વેચાણ કરે છે. ગત 17 માર્ચના રોજ અમોલ પાટીલ જ્યારે કંપનીની ઓફિસ ખાતે હાજર હતા ત્યારે સરજુ પ્રહલાદજી ઠાકોર અને તાજીમ અમીરભાઇ સિંધી ઘાસ કાપવાનું મશીન ખરીદવા માટે આવ્યા હતા.

મશીન ખરીદી ચેક અને પુરાવા માટે આધાર કાર્ડ આપ્યું હતું

ભાવ-તાલ નક્કી કર્યા બાદ રૂ.1.68 લાખની કિંમતનું એક ઘાસ કાપવાનું મશીન ખરીદી બંનેએ અમોલ પાટીલને ચેક આપ્યો હતો અને પુરાવા માટે તાજીમ સિંધીએ સરજુનું આધાર કાર્ડ આપ્યું હતું. બીજા દિવસે સરજુએ ફોન કરી અમોલભાઈને સુરેન્દ્રનગરના પોતાના મિત્રને પણ આવું જ એક મશીન જોઈતું હોવાની વાત કરી હતી. આથી સાંજે એક ઇસમને મોકલી વધુ એક મશીનની ખરીદી કરી હતી અને રૂ. 1.70 લાખનો ચેક અને આધારકાર્ડ આપ્યું હતું. જો કે, બંને ચેક બેંકમાં ભરતા રિટર્ન થયા હતા. જે અંગે વારંવાર ઉઘરાણી કરવાં છતાં ત્રણેય ઈસમોએ પૈસા પરત ન કરતા આખરે અમોલ પાટીલે છેતરપિંડીની ફરિયાદ કરતા સેકટર-21 પોલીસે ગુનો નોંધી તપાસ હાથ ધરી છે.

Related posts

ભાઈને પોલીસ પકડી જતા ભાઈને છોડવા બહેનની દબંગાઈ, પોલીસ ચોકી ની ખુરશી તોડી

Ahmedabad Samay

ગોમતીપુર પોલીસે ગણતરીનાં કલાકોમાં તાબરીયા ગેંગનાં બે આરોપીઓની ધરપકડ કરી

Ahmedabad Samay

અમદાવાદમાં ૨૦૦૮ના બોમ્‍બ બ્‍લાસ્‍ટમાં અમદાવાદ આખુ ધણધણી ઉઠયું હતું. જેનો ૧૪ વર્ષની લાંબી લડત બાદ આજે ઐતિહાસિક ચુકાદો આવ્‍યો

Ahmedabad Samay

તથ્યએ ઈસ્કોન બ્રિજ ચડતા પહેલા બે વાર ડીપર મારી પરંતુ બ્રેક ન મારી, હવે બીજો કેસ પણ દાખલ

Ahmedabad Samay

અમદાવાદ: શાહીબાગમાં અજાણ્યા યુવકની થયેલી હત્યાનો ભેદ ઉકેલાયો, ક્રાઈમ બ્રાન્ચે એક આરોપીની ધરપકડ

admin

દિલ્‍હી બાદ અમદાવાદ શહેરની સાતેક સ્‍કૂલોને બોમ્‍બથી ઉડાવી દેવાની ધમકીના ઈમેલ મળ્યો

Ahmedabad Samay

એક ટિપ્પણી મૂકો