દેશમાં ચોમાસાનું આગમન થઈ ગયું છે, ત્યારે ગુજરાતમાં પણ છેલ્લા કેટલાક દિવસોથી અનેક જિલ્લાઓમાં નોંધપાત્ર વરસાદ વરસ્યો છે. હવામાન વિભાગે પણ આગામી ૪ દિવસ માટે ભારે વરસાદની આગાહી કરી હતી. જે પ્રમાણે અમદાવાદમાં વહેલી સવારે ધોધમાર વરસાદ પડ્યો હતો. જેના કારણે શહેરના કેટલાક નીચાણવાળા વિસ્તારોમાં પાણી ભરાયા હતા.
હવામાન વિભાગની આગાહી મુજબ, અમદાવાદમાં વહેલી સવારે ૪ વાગ્યે અચાનક તોફાની પવન અને વીજળીના કડાકા સાથે ધોધમાર વરસાદ વરસ્યો છે. વહેલી. ભારે વરસાદના પગલે શહેરના નીચાણવાળા વિસ્તારોમાં પાણી ભરાયા છે, જ્યારે અનેક ઠેકાણે વૃક્ષો પણ ધરાશાયી થયા હોવાનું મનાય છે.
અમદાવાદ શહેરના હાટકેશ્વર, મણિનગર, સીટીએમ, રામોલ, જશોદાનગર, નેશનલ હાઈવે પર નીચાણવાળા વિસ્તારોમાં આવેલી સોસાયટીઓમાં વરસાદી પાણી ભરાયા છે. આ ઉપરાંત શહેરના મેમ્કો, નરોડા, શાહીબાગ, દૂધેશ્વર, રાણીપ, વાડજ, આશ્રમરોડ, ઓઢવ, બોડકદેવ, ગોતા, ચાંદખેડા, સેટેલાઈટ જેવા વિસ્તારોમાં પણ વરસાદ ખાબક્યો છે.
