ગત તા.22-1-2021ના રોજ સોશિયલ મીડિયામાં અમીન મારવાડીનો ફાયરિંગ કરતો વીડિયો વાયરલ થયો હતો. જે વીડિયોમાં દેખાતું ફાર્મ હાઉસ દાનીયલ વોરાનું હોવાથી તેઓએ તેમના પિતાને ફોન કરી પૂછ્યું હતું. પિતા ફારૂકભાઈ વોરાએ પુત્ર દાનીયલને જણાવ્યું હતું કે,
” ગત તા.21-1 -2021ના રોજ સાંજે 6.15 વાગ્યે અમીન આપડા ફાર્મ હાઉસમાં આવ્યો હતો અને મને ફોન કરી હું જુહાપુરાનો ડોન છું, તારે ફતેવાડીમાં જમીન લે વેચનો ધંધો કરવો હોય તો મને રૂ.5 લાખ આપવા પડશે તેમ કહ્યું હતું. ફારૂકભાઈએ રૂપિયા આપવાની ના પાડી હતી.ત્યારે આરોપી અમીને ભયનો માહોલ સર્જવા અને ધાક જમાવવા માટે ફાર્મ હાઉસમાં રહેતાં કુરબાન આલમ સમાની હાજરીમાં હવામાં બે રાઉન્ડ ફાયર કર્યા હતા જેનો વીડિયો સમીર પેંદીએ ઉતાર્યો હતો. બાદમાં ત્રણે આરોપી ફાર્મ હાઉસથી ફરાર થઇ ગયા હતા.
સરખેજ પોલીસે બનાવ અંગે આરોપી અમીન મારવાડી,સમીર પેંદી અને અન્ય એક શખ્સ વિરૂધ્ધ ખંડણી અને આર્મ્સ એકટ મુજબ ગુનો નોંધી વધુ તપાસ હાથ ધરી છે.
