ટોક્યો પેરાલિમ્પિકમાં ભારતના જ્વેલિન થ્રોના ખેલાડીઓ ધમાકેદાર પ્રદર્શન કરી રહ્યાં છે. સુમિત અંતિલે ભારત માટે આ રમતમાં ત્રીજો મેડલ જીત્યો છે. તેમણે સોમવારે પુરુષ (F64) વર્ગ ફાઈનલમાં ગોલ્ડ મેડલ જીત્યો છે.
ટૉક્યો પેરાલિમ્પિકમાં ભારતના ભાલાફેંકના ખેલાડી સુમિત અંતિલે ભારતને ત્રીજો મેડલ અપાવ્યો છે. સુમિતે પુરુષોની ફાઈનલમાં ગોલ્ડ મેડલ મેળવ્યો છે અને આ સાથે ભારતના મેડલની સંખ્યા 7 થઈ ગઈ છે.
સુમિતે આ સાથે 68.55 મીટરના અંતરે ભાલો ફેંકી ગોલ્ડ મેડલ તો પોતાને નામ કર્યો જ છે પરંતુ સાથે સાથે વર્લ્ડ રેકોર્ડ પણ બનાવ્યો છે. ટૉક્યો પેરાલિમ્પિકમાં ભારતનો આ બીજો ગોલ્ડ મેડલ છે.
સુમિત પહેલા અવનિ લખેરાએ શૂટિંગમાં ભારતને ગોલ્ડ મેડલ અપાવ્યો છે. તેણે સોમવારે મહિલાઓની R-2 10 મીટર ઍર રાઈફલ સ્ટેન્ડિગ SH1માં પ્રથમ સ્થાન હાંસલ કરી ગોલ્ડ મેડલ લઈ આવી છે.
