ભારત અને ઓસ્ટ્રેલિયા વચ્ચે રમાઈ રહેલી ત્રીજી ટેસ્ટ મેચમાં ટીમ ઈન્ડિયા ખૂબ જ નબળી સ્થિતિમાં જોવા મળી રહી છે. બીજા દિવસના અંત સુધીમાં ભારતીય ટીમ તેના બીજા દાવમાં 163 રનમાં ઓલઆઉટ થઈ ગઈ હતી. 75 રનની લીડ લઈને ટીમે વિરોધી ટીમને 76 રનનો ટાર્ગેટ આપ્યો છે. આ પહેલીવાર નથી જ્યારે કોઈ ટીમે ટેસ્ટમાં 100થી ઓછા રનનો ટાર્ગેટ આપ્યો હોય. લગભગ 141 વર્ષ પહેલા ઈંગ્લેન્ડની ટીમે ટેસ્ટ ક્રિકેટમાં સૌથી ઓછા 85 રનનો બચાવ કર્યો હતો.
શું ટીમ ઈન્ડિયા તેનો 141 વર્ષ જૂનો રેકોર્ડ તોડી શકશે?
જો ટીમ ઈન્ડિયા ઈન્દોર ટેસ્ટમાં 76 રનથી જીત મેળવવામાં સફળ થશે તો ભારતીય ટીમ ટેસ્ટ ક્રિકેટનો એક અનોખો રેકોર્ડ તોડી નાખશે. વાસ્તવમાં ટેસ્ટ ક્રિકેટમાં 141 વર્ષ પહેલા એટલે કે 1882માં ઈંગ્લેન્ડ અને ઓસ્ટ્રેલિયા વચ્ચે રમાયેલી ટેસ્ટ મેચમાં ઈંગ્લેન્ડે ચોથી ઈનિંગમાં કુલ 85 રનનો બચાવ કર્યો હતો. હવે ટીમ ઈન્ડિયા ઈન્દોર ટેસ્ટમાં કુલ 75 રનનો બચાવ કરીને ક્રિકેટના ઈતિહાસમાં એક મોટો રેકોર્ડ બનાવી શકે છે.
અત્યાર સુધીની મેચ
1 માર્ચથી શરૂ થયેલી આ મેચમાં ટીમ ઈન્ડિયાએ ટોસ જીતીને પ્રથમ બેટિંગ કરવાનો નિર્ણય કર્યો હતો અને ટીમ તેની પ્રથમ ઈનિંગમાં માત્ર 109 રનમાં ઓલઆઉટ થઈ ગઈ હતી. જવાબમાં ઓસ્ટ્રેલિયાએ પ્રથમ બેટિંગ કરતા 197 રન બનાવ્યા હતા.
આ પછી બીજી ઈનિંગમાં બેટિંગ કરવા ઉતરેલી ટીમ ઈન્ડિયા ફરી એકવાર 200 રનમાં જ સિમિત થઈ ગઈ હતી. આ વખતે ટીમ ઈન્ડિયા 163 રનમાં સમેટાઈ ગઈ હતી. આ રીતે ભારતીય ટીમે 75 રનની લીડ મેળવીને ઓસ્ટ્રેલિયાને 76 રનનો ટાર્ગેટ આપ્યો હતો. હવે મેચના ત્રીજા દિવસે ઓસ્ટ્રેલિયા તેની બીજી અને ચોથી ઇનિંગમાં બેટિંગ કરવા ઉતરશે.
આ વખતે ટીમ ઈન્ડિયા 163 રનમાં સમેટાઈ ગઈ હતી. આ રીતે ભારતીય ટીમે 75 રનની લીડ મેળવીને ઓસ્ટ્રેલિયાને 76 રનનો ટાર્ગેટ આપ્યો હતો. હવે મેચના ત્રીજા દિવસે ઓસ્ટ્રેલિયા તેની બીજી અને ચોથી ઇનિંગમાં બેટિંગ કરવા ઉતરશે.
