Airtel: ટેલિકોમ કંપની એરટેલે સોમવારે 125 શહેરોમાં તેની 5G સર્વિસ શરૂ કરી છે. કંપનીના જણાવ્યા અનુસાર, 125 શહેરો જોડાયા બાદ હવે દેશના 265 શહેરોમાં Jio સર્વિસ મળી રહી છે. હવે 265 શહેરોમાં એરટેલના કસ્ટમર્સ 5G સર્વિસનો લાભ લઈ શકશે.
ટૂંક સમયમાં વધુ 5G સર્વિસનો વિસ્તાર કરવામાં આવશે
કંપનીએ કહ્યું કે તે માર્ચ 2024 સુધીમાં તમામ નગરો અને મુખ્ય ગ્રામીણ વિસ્તારોને 5G રોલઆઉટ સાથે આવરી લેવાનું લક્ષ્ય ધરાવે છે. ભારતી એરટેલના સીટીઓ રણદીપ સેખોને જણાવ્યું હતું કે 5જીએ ઇન્ટરનેટની દુનિયામાં ક્રાંતિ કરી છે. તેણે કનેક્ટિવિટી આપી છે, જેણે કનેક્ટિવિટી અને કોમ્યુનિકેશનના નવા યુગની શરૂઆત કરી છે, જે દેશ માટે ગેમ ચેન્જર સાબિત થશે. તેમણે કહ્યું કે આજે 125 શહેરોમાં એરટેલની 5G સર્વિસ શરૂ કરવામાં આવી છે.
હવે આ શહેરોમાં સર્વિસ ઉપલબ્ધ છે
એરટેલ ટૂંક સમયમાં અન્ય શહેરોમાં 5G પ્લસ સર્વિસનો વધુ વિસ્તરણ કરશે. તેથી, ટૂંક સમયમાં એરટેલની 5G સર્વિસ દેશના અન્ય શહેરો અને ગામડાઓમાં મળવાનું શરૂ થશે. એરટેલના જણાવ્યા અનુસાર, હવે કંપની જમ્મુ શહેરથી કન્યાકુમારીના દક્ષિણ છેડા સુધીના દરેક મોટા શહેરમાં તેની 5G સર્વિસઓ પ્રદાન કરી રહી છે. 125 શહેરોની યાદીમાં નેલ્લોર, અનંતપુર (આંધ્રપ્રદેશ); જોરહાટ, તેઝપુર (આસામ); મોતિહારી, ગયા (બિહાર), બિલાસપુર (છત્તીસગઢ); દહેજ, ભરૂચ, ભાવનગર, જામનગર (ગુજરાત), ઝાંસી, અયોધ્યા, શાહજહાંપુર, રાયબરેલી (ઉત્તર પ્રદેશ); મનાલી, સોલન (હિમાચલ પ્રદેશ) વગેરેનો સમાવેશ થાય છે.
